開箱！5.7 吋 18:9 芒，大小同 iPhone X 相若
▲ 國內版叫魅藍 S6 / mblu S6，國際版叫魅族 M6s。魅族 M6s 包裝盒同之前的魅族手機近乎一樣，純粹係個名唔同左。你問版主，無啦啦做乜隔離多舊磚喺度？無嘅，一來當係襯托下，二來舊磚係魅族邀請函附送的「贈品」，聽說呢舊磚炒價去到成千幾蚊人仔喎，你會唔會想要呢?
▲ 包裝盒背面寫上手機的基本資料，例如版主手上這部是黑色的，內置 3GB RAM 以及 32GB ROM。而國際版的通訊頻段，亦都在包裝盒上寫得一清二楚。
▲ 開箱！一打開個包裝盒，第一眼見到就是魅族 M6s，上面貼住一張藍色的貼紙，咦感覺上同舊磚有少許似樣~
▲ 隨機附有 SIM 卡針、火牛以及 microUSB 線。
▲ 跟機火牛輸出最多可以去到 24W，不過魅族 M6s 淨係支持 9V / 2A (18W) 快速充電。
▲ 魅族 M6s 正反兩面。
▲ 800 萬像素三星前置鏡頭。
▲ 畫面內會見到有小圓點 (不過國際版其實 default 係「標準導航欄」，只係版主將佢變返做小圓點)。
▲ 機身右側為開關鍵 + 指紋辨識鍵。
▲ 雖然話係「抄考」Sony 設計，但無可否認側面指紋辨識係相比其他更為順手。
▲ 左側會有 SIM 卡槽以及音量鍵。
▲ 支持雙卡雙待，可惜都是三選二弧寒式設計。
▲ 機底有 microUSB 插槽、3.5mm 耳機孔以及喇叭位。
前後鏡頭採用三星感光元件，影相質素網友覺得可接受嗎？
今次魅族 M6s 雖為千元手機，但全身大部份零件都是來自三星的，當中包括感光元件，亦都係三星製造。M6s 採用了 1600 萬像素 Samsung's S5K2P7SX 感光元件，而前置相機亦同樣是三星感光元件，有 800 萬像素。到底影出來的質素又如何？睇相啦！(夜媽媽，酒店附近又無嘢好影，就帶大家去影下我哋晚餐的地點同食啲乜啦～
)
▲ 都係果句啦，縮圖無限好，放大一睇，都是魅族手機老問題，會出現油畫化的情況，當然 F2.0 光圈比較細，都會有所影響吧。不過又咁講，在燈光的控制方面，M6s 又算係唔差嘅，千幾蚊，勉勉強強叫做過得去啦。
▲ 愈複雜，層次愈多的東西，拍出來的相片就會愈容易看到瑕疵。就如右圖為例，你會發現細緻度其實並不高，看不出花瓣之間的層次感。
▲ 從右圖可以見到，雖然只有 F2.0 光圈，但都還會有少許景深的效果。
▲ 睇完咁多張相，大家又覺得以千幾蚊價錢黎講，合唔合格呢？
▲ 前置相機都係用上三星感光元件，有好亦有壞，好的是內置 5 級美顏，而且即時預覽的速度很快。但缺點始終是成像方面，可以見到放大來看，特別是在光源不多的環境下 (左圖)，雜訊會比較明顯。更重要是，沒有自拍閃光燈，這是最大的缺點，當在夜晚的時候，在街上想自拍，版主試過都幾乎睇唔到自己了......
小結
總括而言，到底呢部魅族 M6s 值唔值得入手呢？好老實，M6s 在各方面表現都是比較一般，沒有一點是比較出眾，但無辦法，只係千幾蚊貨仔，我想要求再多，都嫌我太貪心了吧？值得高興的是小圓點終於回歸，而且 mBack 亦能夠得以保留，但初初使用，並未習慣沒有實體鍵來使用 mBack 功能。至於拍攝部份，個人認為還算是過得去吧，但油畫化的情況比較明顯，魅族應該致力進一步將其改善。不知網友又點睇呢部 M6s 呢？魅族 M6s 發表 + 評測相關文章
小圓點回歸！千元新機魅族 m6s 發表，18:9 芒平鬥小米？新 U 支持全網通，效能又如何？魅族 M6s 上手速測
千元新機 玩三星 U、三星相機！魅族 M6s 開箱評測 + 相機試拍
魅族 M6s 在文章發表時，香港上市日期未定，按這裡有詳細規格及最新賣價。
