魅族宣佈 M6s 於今日 (即 5 月 8 日)，正式在魅族網上商店、魅族專門店以及 csl. 有售，建議零售價為 $1399，顏色方面只有黑色一種選擇。記得當初在國內發表的時候，M6s 係有銀、金、藍、黑四種選擇，但而家連揀都無得俾你揀，會否影響到網友購買的意慾呢？關於呢個問題，其實在之前 Vivo X21 香港發表的時候，都曾經有同版主 Keith 討論過。當時我在好奇，點解 Vivo 唔喺香港推紅色，明明紅色幾靚幾特別吖。版主 Keith 表示，其實香港人係比較保守的，呢啲咁特別嘅顏色，個市場其實好窄，最後啲人都係買黑色。唔知大家又認唔認同呢？
另外，魅族 M6s 都會有限時優惠。由即日起至 6 月 1 日，只要購買 M6s 手機，除咗可以免費獲贈高清保護貼以及原裝保護套，讚好 Meizu HK Facebook 專頁，憑有效收據到魅族專門店更可免費換領 EP21-HD 耳機以及線控自拍桿一件。千四蚊買 M6s 仲有咁多嘢送，你又覺得抵唔抵呢？
按這裡亦都可以睇返版主之前的開箱評測
魅族 M6s 在文章發表時，香港建議零售價為 $1399，按這裡有詳細規格及最新賣價。
