估唔到魅族今次呢部新機咁古怪，唔係叫魅族 16，而是叫魅族 16th。不過名一個，又唔係話好重要，對版主來說，外觀比起一切都重要。記得上代魅族 15 換設計，其實版主個人就覺得不太討好，感覺麻麻地，然而今次魅族 16 就吸引得多，就連 YK 大師都表示好正，好好 J 喎。有乜咁正，有乜咁好 J，等 Lawrence 稍後有機返酒店，再慢慢試俾大家睇。而家，就先拿拿聲望下魅族 16th 真身先！
▲ 一共有兩部機，一大一細，基本上兩部機的設計都是一樣，大嘅叫魅族 16th Plus，細嘅叫魅族 16th。大機有 6.5 吋，細機有 6 吋，並且都係 18:9 芒。另外，兩部機同樣有白、黑兩色。(香港不賣 Plus，只會賣 16th)
▲ 用上圓角設計，並且沒有 M 字額，係抵讚嘅。
▲ 會見到支持屏下指紋，現時具備屏下指紋的手機，除了 Vivo 之外，就只有華為過萬元的 Mate RS。
▲ 今次機背用上 3D 曲面玻璃，版主個人覺得比起魅族 15 金屬拉絲吸引好多好多。
▲ 你睇下，見到呢種反哂光的感覺，雖然應該都會是「指紋收集器」，但我幾鍾意，真係覺得好 good！另外，魅族 16th 具有雙鏡頭設計，主鏡用上 IMX380 感光元件，即係都係華為 P20 以及上代魅族 15 果粒。而鏡頭下方會見到有環形閃光燈。
▲ 底部會見到 MEIZU 的字樣。
▲ 機身右側會有音量鍵以及開關鍵。
▲ 而左側則有 SIM 卡插槽。
▲ 底部會有 USB Type-C 插槽、喇叭以及 3.5mm 耳機孔。
▲ 對比上代魅族 15 Plus 以及 16th Plus。你鍾意邊部嘅設計多點呢？
▲ Lawrence 上手時表示，無論是大機還是細機，都感覺很輕身。
首部 S845 魅族手機！魅族 16th Plus 跑分即睇
魅族 16th / 16th Plus 是魅族首次用上 Qualcomm S845 處理器的手機，而 Lawrence 手上的是 6GB RAM + 128GB ROM 版本的魅族 16th 以及 16th Plus，安兔兔跑分結果，果然跟魅族發佈會上所說的，有 29 萬分，實在是比起小米 8 更不錯 (小米發佈會講到小米 8 過 30 萬分，但根本跑不到這個分數，說要等 MIUI 10 出咗先會去到，又係期票一張)。
▲ 魅族 16th Plus 安兔兔跑分有 292639 分，當中的 GPU 達 127094 分，而 CPU 也有 92559。
▲ 同樣是 6GB + 128GB 的魅族 16th，同樣也有 290221 的分數，成績相當不錯。不過，魅族有一件事都講得好啱，就係跑分高唔等於順暢，實際使用係點，真係要上手試過先至知。