三千中入手 S8 Gen 3 旗艦手機
今次想同大家分享嘅，係魅族 21，講到魅族呢個品牌，相信如果有留意開手機嘅網友，都唔會覺得陌生，因為佢都係好早期同小米一齊喺香港發展嘅品牌，而且我以前係覺得佢哋嘅手機，並不比小米差，但問題可能當時佢哋真係無乜錢，香港又無乜 Budget 做 Marketing，最後被逼退出香港市場。但佢哋喺國內仍然 keep 住有出機，其中魅族 21 就係一部用上 Qualcomm Snapdragon 8 Gen 3 處理器嘅旗艦手機，有 8GB+256GB、12GB+256GB 以及 12GB+512GB 三個容量選擇，其中 8GB+256GB 版本已經無貨，最後報價為 $3250，而 12GB+256GB 以及 12GB+512GB 版本，則分別賣 $3480 以及 $3780 起，價錢會因應顏色而稍有出入，有魅族白、無界黑、銳意青以及靈動紫四種顏色選擇。
魅族 21 硬件規格
規格方面，魅族 21 採用咗 6.55 吋三星 AMOLED 屏幕，支持 120Hz 刷新率、配備 Qualcomm Snapdragon 8 Gen 3 處理器，電池容量為 5050mAh，並支持 80W 有線快充、50W 無線快充以及 10W 反向無線充電。相機方面，魅族 21 用上了 2 億像素廣角 + 1300 萬像素超廣角微距 + 500 萬像素景深鏡頭，支持 4 倍無損變焦以及 2 倍人像拍攝，前置鏡頭則為 3200 萬像素。跟魅族 21 Pro 規格對比：
報價查詢：國內手機代購