紅米 1s 行貨到！升級 CPU + 容量，定價維持 $999 係咪又要搶？
紅米 1s 就發佈左幾個月，亦都有唔少水貨來到香港，價錢大約係 $1,100 左右，唔知大家有冇留意到呢？新版紅米 1s 既配格同紅米有幾大不同，其實就係將處理器升級做 Qualcomm S400 1.6GHz 四核心、將內置容量升級到 8GB ROM ，前鏡頭亦變成 160 萬像素，其餘 4.7 吋 720p 屏幕、 2000mAh 可換式電池、800 萬像素主鏡頭都沒有改變，唔係一個好大既升級，值唔值得因此而買就真係見仁見智
。紅米 1s 點樣買到？就即將係 6 月 19 號，亦即係後日正式係小米網官方預購。冇錯，大家又要再輪米啦，睇怕今次又係要搶「秒殺」貨，想買就準備定一個新滑鼠去狂 Click 啦。唔知新機一出，街鋪既紅米會唔會變晒死貨減貨賣呢？順帶一提，版主收到消息有電訊商會賣紅米 1s ，當然需唔需要上台就有待公佈啦。都係果句，版主就搶到怕怕啦，有冇網友真係會花時間精力去搶「升級版」紅米 1s 呢
？
