支援多頻段 4G LTE 、Cat.4 上網速度！紅米 Note 4G LTE 開價 $1,199 抵唔抵？
講到紅米 Note 4G LTE ，之前版主多次提到大陸的水貨只支援香港 1800MHz 這一個頻段，當然香港行貨就會有齊 1800+2600MHz 的雙頻段支援，亦可以做到 150Mbps 的下載理論值，另外佢亦都支援 2100MHz 的日本 4G LTE 與 Band 4(AWS) 的美國專用 4G LTE 頻段，價錢 $1,199 亦比起現在的水貨更便宜啊！版主都認為今次紅米 Note 4G 定價是吸引的。再看規格方面，紅米 Note 4G 版採用了 5.5 吋的 720 x 1280 解像度屏幕、 Qualcomm S400 1.6GHz 四核心處理器、 2GB RAM 、8GB 容量（支援外置插卡）、 1300 萬像素主鏡頭和 500 萬像素前鏡頭、 3100mAh 可換式大電池。大家會聯想到有什麼對手呢？版主在看規格的時侯就聯想起 HTC Desire 816 了，現時減價仍然在賣 $2,399 的 HTC Desire 816 比起紅米 Note 4G 貴差不多一倍，果然性價比才是紅米的最大吸引力啊！
而紅米 Note 4G LTE 正式開賣日期在下星期一 ( 11 月 17 日），大家都知道到時都係要搶，不過官方又來玩遊戲送手機。今次是玩「腦力大挑戰」，在他們的遊戲網頁答中 5 條問題就有機會免費得到一部紅米 Note 4G 版，參加遊戲亦有機會得到 F 碼，如果真係急住買呢部手機？都可以試試架！
▲支援多頻段的 4G LTE ，比起大陸聯通版更強！
▲版主有玩過這個腦力大挑戰，提提大家要熟讀一下紅米 Note 4G LTE 的規格才入去玩，這才有勝算
在文章發佈的時侯， 紅米 Note 4G LTE 版定價 $1,199，按此看詳細規格與最新賣價。
