香港版紅米 Note 4G 開箱！安兔兔跑分 21,000 比拼八核 3G 版！
香港版的紅米 Note 4G 版要下星期二先正式開賣，不過版主就早大家一步有一部係手上啦。我諗唔少網友都諗過呢部機值唔值得買，從規格去睇佢有 5.5 吋 720p 屏幕，又支援 1800+2600MHz 的 4G LTE ，就算係水貨機都會比佢貴少少，不過佢用緊既係舊一代既 Qualcomm S400 1.6GHz 處理器配 2GB RAM ，時脈比起常見的 1.2GHz 快一點，其實又有冇幫助呢？版主開機試玩過紅米 Note 4G 香港版，開機的時侯除了理所當然的有 Google Play Store 之外，亦內置了 Facbeook 、 Chrome 、 Line 等幾款香港人常用的軟件，就沒了一些大陸專用的「瘀血」，運行的時侯幾流暢。而它除了運行到 cat.4 制式 LTE (下載速度 150Mbps) 之外，還支援到 802.1.1 ac 的高速 Wi-Fi 制式，作為入門機實際是相當高速的上網速度啊！
而它與 3G 雙卡版紅米 Note 的一個大不同就是採用了不同的處理器，今次版主試香港版跑分的時侯，安兔兔的成績達到 21,000 分，比起之前水貨的 14,000 高了差不多一半，亦與起 Zenfone 5 LTE (2GB) 差不多，而它定價 $1,199 是眾多入門 4G 行貨機最便宜的一部，如果需要一部入門 4G 機的確是不錯的選擇啊！文章下面有跑分給大家可以參考：
▲紅米 Note 4G 香港版相當大一盒，裡了裝了些什麼呢？
▲這是盒裡的所有東西，有三腳的叉座、 USB 線、電池和紅米 Note 4G 一部
▲這樣看起來，根本就和 3G 版的紅米 Note 沒有分別啊
▲SIM 卡槽是 MIni SIM ，也就是大家俗稱的大 SIM ，其實現時都冇乜幾部機用呢個 Size ，要裝卡套入去其實都係一件麻煩事
▲左邊的是紅米 Note 4G 的跑分，有超過 21,000 ，比起聯通版水貨高上不少，而右邊的是 ASUS Zenfone 5 LTE (2GB RAM) 的跑分，有接近 23,000 分，在入門機中算是不錯，但賣價 $1,599 是比較貴的一部。兩部機的效能與兩年前的 Samsung Galaxy Note 2 差不多，運行 720p 屏幕已經得到很流暢的效果
▲至於紅米 Note (3G 八核版）的跑分呢？大約在 26,000 ~ 27,000 上下，安兔兔差幾千分不算一個大的差別，而且兩個版本的 3D 效能都差不多，要玩 3D 遊戲都是相當吃力的
版主小結：香港版紅米 Note 4G 性價比夠高！你搶唔搶？
與 3G 版的紅米 Note 相比，香港的 4G 版最大分別當然是有 4G LTE 的支援啦，與大陸版相比它是支援到 cat.4 制式，理論上上網更快，亦都有 802.1.1 ac 的 Wi-Fi 支援，在入門手機當中有這個制式的手機還不算多，為它加了不少分數，而 Qualcomm S400 1.6GHz 四核沒錯是舊一代，不過跑出來的分數不輸 Qualcomm S410 機款，運行流暢度都算不錯啊，版主認為它賣 $1,199 性價比還是很高。紅米 Note 4G LTE 將會在下星期二 (11 月 18 日) 下午 12 點正式開賣，除左網購之外，其實都可以去 csl. 預約上台。不過搶過咁多次米，大家都知道搶米總會有終結既一日，係咪必須要搶呢？不如大家又留言講下，你會唔會考慮入手呢部紅米 Note 4G 版吧！
在文章發佈的時侯， 紅米 Note 4G LTE 版定價 $1,199，按此看詳細規格與最新賣價。
