作為小米在香港推出的第一炮，紅米 2 係一部主打平價 4G LTE 雙卡的手機，同前代小米手機好似紅米 1S 唔同，紅米 2 在顏色上就以粉色系為主，除了白色及深灰外，還有淺綠、粉紅及淡黃色供選擇。紅米 2 最大賣點就係支援雙卡 4G 而早前版主的測試裡面紅米 2 亦係做到係手機設定裡面轉換 4G 的，同 HTC 的 Dynamic Switch 一樣，但要留意！香港所推出的紅米 2 同大陸版不同，雖然係雙卡，但只支援 FDD LTE Band 3 （1800）、 Band 7（2600）以及 Band 8（900) 而不支援內地網絡，同上星期 ZTE 推出的 Blade S6 一樣，所以只係 4G 雙卡但沒有中港 4G 。而硬件方面都只算是入門 4G LTE 款式，除左使用 4.7 吋 HD 720p 屏幕之外，處理器就係 Qualcomm Snapdragon 410 1.2GHz 四核以及 1GB RAM 以及 8GB ROM。 相機就係 800 萬像素 + 200 萬前鏡頭以及 2200 mAh 電池。
係售價方面，小米香港官網就已經公佈左啦，定價係 $899 ，將會係 2 月 10 號正式開賣。如果仲未清楚經米 2 算唔算抵，版主今次更加將紅米 2 同一批 4G 雙卡相對平價的手機來做個比一比。除左有剛剛發佈，擺明挑戰紅米 2 的魅藍手機之外，仲有規格同紅米 2 相近（但價錢不太相近）但支援內地頻段的 Samsung Galaxy A5 以及 HTC Desire 620 ， Click 入下圖會見到詳細比拼。唔知大家又會點揀呢？不妨留言分享下啦。
在文章發佈時，紅米 2 將於 2 月 10 日在香港開賣，價錢 HK$ 899 ，按此看詳細規格及最新賣價。
在文章發佈時，Desire 620 定價 $2,198 ，按此看詳細規格與最新賣價。
在文章發佈的時侯， Samsung Galaxy A3 定價 $2,498 ，按此看詳細規格與最新賣價。
在文章發佈時，魅藍手機仍未在香港開賣，按此看詳細規格及最新賣價。
