女神專用？小米推兩萬部「女神版」小米 Note

Lawrence 2015-03-31 15:37 | 小米

之前版主 Eddie 就同大家提過今日小米就是搞個「新品溝通會」，正當大家以為今次活動只係得小米高層回顧最近幾年「威水史」的時候，原來小米都有新產品推出架！以手機來講有紅米 2A 之外，另一樣相爆搶眼的「新產品」就係小米 Note 嘅「女神版」啦！想知部小米 Note 點樣女神法的朋友就要睇下文啦。



其實所謂的小米 Note 「女神版」只不過係用上粉紅色版的 16GB 版本小米 Note ，係規格上同 16GB 小米 Note 標準版其實並無分別。不過係外型上，官方就標榜用上「通體珠光效果」同埋「通體初春樱花粉」，實機版主都未拎過上手所以真係話唔到比大家聽有乜嘢咁特別啦。不過，係銷售方法上，小米 Note 「女神版」就的確有幾點係大家要留意的。首先，呢部小米 Note 「女神版」只會以「特別禮盒」的方式發售，禮盒除左有小米 Note 「女神版」一部仲會有一個 5000mAh 外置式充電器。多左個「尿袋」價錢當然都同標準版小米 Note 唔同啦，呢個有小米 Note 「女神版」全求首發兩萬部，定價 2499 人仔（約為 $3121 港幣），將會係 4 月 8 日開賣。唔知大家又對呢部「女神機」有無興趣呢？ 留言講下啦！


▲ 因為多左個 5000mAh  「尿袋」，所以係價錢上小米 Note 「女神版」亦比標準版貴兩百蚊人仔。