。冇錯呢個係小米既宣傳語句，咪就係暗示過兩日會推出既小米 4i 囉！今次佢搞發佈會係印度新德里，大家都估到係打低價市場，而新機除左轉用 Qualcomm S615 八核，亦有真機圖流出，改一改用膠機身賣到 65 折，似乎都有得諗啵！
Qualcomm 八核新機 $1,600 有交易？小米 4i 預計 4 月 23 日發佈
小米 4 代版主都幾確定，香港小米不會引進，不過呢部即將發佈既小米 4i ，入面的「i」除了是發佈的地區印度 (India) 之外，亦有「國際」的意思，之前爆料大神 upleak 講過因為是全球版，所以會加入不同的頻段，例如大陸小米 4 所沒有的 2600MHz 頻段 4G LTE ，小米官方 Facebook 亦不斷暗示會有「驚喜」比大家，莫非呢部機會係香港賣？之前版主虎仔都同大家講過，呢部機會係「低配版」的小米 4 ，然而最近的爆料指佢仍然會用 5 吋的 1920 x 1080 解像度屏幕、不過就會改用 Qualcomm S615 八核心、2GB RAM ，內置 16GB 容量，相機方面會是 1300 萬像素與 500 萬像素的組合，暫時未有電池容量的消息，而它會是預載 Android 5.0 的新機，可以支援到 64bit 效能。最令人驚喜的是，預計它的定價會在 $1,300 人民幣（約 $1,600 港幣），不過從流出相片睇到呢部機將會用膠機身啵，不禁令版主諗起同樣係「好膠」的魅藍 Note ，如果香港會引入小米 4i ，會唔會又引起平價 FHD 大戰呢？
▲在小米的 Facebook 上面都有些宣傳圖，暗示這部機會是夠高清、電量夠大嗎？
▲這就是小米 4i 的流出照，的確是膠邊啊！
引來來源：mobile-dad