首先提一提今次主角小米 4i ，呢部手機相信好大機會係聽晚 6:30pm 發佈。同小米 4 相比，小米 4i 可以話係佢嘅「低配版」，主要係因為處理器方面小米 4i 會改用 Qualcomm S615 八核心搭配 2GB RAM 。不過係價錢上面就有一定的吸引力嘅，因為呢部手機估計賣價只不過係 $1300 人仔（即係 $1600 港幣） ，同係香港都大受歡近的魅族 m1 魅藍 note 價錢很相近。小米香港 Facebook 就公佈聽日發佈會上的「i」會 5 月係香港開賣，如果真係小米 4i 的話唔知大家又會點揀呢？留言講講啦！
