小米 Note 頂配用 S810 唔發熱？配合 4GB RAM 官方指跑分有 63,000！
話說，其實版主 Eddie 幾個月之前上北京都係未見過小米 Note 頂配版真身，一直都係得個講字，而去到 5 月 6 號終於真機發佈，亦都會係 5 月 12 號大陸正式開賣，預計好快香港就會有水貨。呢部機除左採用 5.7 吋既 2560 x 1440 解像度屏幕，有比較大的 2K 芒之外，採用了 Qualcomm S810 配合 4GB RAM 也是一個重點；因為之前兩部採用 S810 的 HTC One M9 與 LG G Flex 2 都只有 3GB RAM ，咁樣小米 Note 頂配會唔會更加強勁？根據小米官方的數字，小米 Note 頂配版的安兔兔跑分會有 63,424 分，比起 HTC One M9 與 LG G Flex 2 以往跑出來的更高，也和 Samsung Galaxy S6 Edge 的分數很接近，算是現時旗艦手中的頂級配置，而會唔會 Lag 就要上手試過先知。講到 S810 既發熱問題，小米在發佈小米 Note 頂配版的時侯亦提到已經申請了 5 個導熱的專利，去解決小米 Note 頂配採用 S810 的散熱問題，就算玩 20 分鐘高畫質遊戲機背主要溫度都是 36.3 度，不過怎麼沒有最高和最低溫度的數據呢？
網友們認為小米 Note 頂配版解決 S810 發熱係咪真係可能，會唔會因此而期待呢部新機抵港？下面投票表態再留言講下啦！
▲小米說已經申請五項散熱專利去解決 S810 的發熱問題
▲小米指小米 Note 玩大型遊戲 20 分鐘，手機背部主要都是 36.3 度，這樣不算發熱嗎？
▲官方指安兔兔的跑分去到 63,424 分，比起 HTC One M9 跟 LG G Flex 2 這兩部 S810 機更高，甚至去到 Samsung Galaxy S6 的分數，但版主之前試機就跑不到分
小米 Note 相關文章：
S810 + 4GB RAM 簡單開箱！ 頂配版小米 Note 開賣前減價
頂配小米 Note 跑分六萬三！S810+ 4GB RAM 唔熱堅定流？
S810 貨真價實安兔兔跑分六萬！小米 Note 頂配版主上手玩！