平過小米 4i ！ 5.5 吋 FHD 大芒 Lenovo K3 Note
首先版主要帶返個頭盔先，其實要搵到平過小米 4i 的中港 3G / 4G 兼有雙卡的行貨機基本上是找不到的，而呢部能夠平過小米 4i 的 Lenovo K3 Note （普通版）就係大陸水機。睇返規格，其實 K3 Note 同小米 4i 相比豪不輸蝕。除左有 5.5 吋 1080p 屏幕之外，係處理器方面都用左 MediaTek MT6752 1.7GHz 八核配 2GB RAM 同埋 16GB 內置容量（支援 SD 卡但最大為 32GB ）。前後相機分別為 500 萬像素前鏡同 1300 萬像素主鏡，並且有可拆式 3,000mAh 電池。係賣價方面，版主係深水埗就見到呢部機目前賣價只係 $1200 （上星期見到仲要 $1240 ），比起小米 4i 平大約 400 蚊，但就係水貨機啦。
▲ Lenovo 的 K3 Note 以規格來講，比起係香港正式推出的樂檬好唔少，如果快點正式在港出就好了。
怕左搶米又想要水貨機？ Desire 620 大鋪減價
如果想入手行貨中港 3G / 4G 雙卡機的話，近來有減價的 HTC Desire 620 都係一個可以考慮的選擇。雖然屏幕比起小米 4i 會差少少，只有 5 吋 720p 屏幕，而係處理器上又只係用緊 Qualcomm S410 1.2GHz 四核搭 1GB RAM 同 8GB 內存（好在支援最大 128GB microSD 插卡）。鏡頭方面係 800 萬像素主鏡頭同埋 500 萬像素前鏡頭。而電量就有 2100mAh 。大鋪近日就將 Desire 620 價錢減為 $1798 ，有意入手平價雙卡機而且又怕左「搶米」的朋友都可以考慮一下的，但 Desire 620 係規格上就略遜小米 4i 啦。
Desire 620 規格唔夠好？仲有 Desire 820s 一齊減價
除左 Desire 620 之外，同樣來自 HTC 的 Desire 820s 其實都有減價，但價位就要二字頭啦。 Desire 820s 係規格上同 Desire 820 相似，規格上有 5.5 吋 720P 屏幕，而處理器就用上左八核 MT6752 1.7GHz 配 2GB RAM 同 16GB 內置容量（最大支援 32GB Micro SD 記億卡）。而相機方面就係 1300 萬像素主鏡頭同 800 萬像素前鏡頭，電池就有 2600mAh 。係價錢上，而家大鋪的 Desire 820s 係減價後就要 $2398 ，減得並不算多。分享完近來減價的中港 3G / 4G 手機外，相信大家都會發現原來小米 4i 係呢方面其實相當有競爭力。只係小米 4i 只係得 16GB 內置容量又不能插卡真係有點可惜，大家又有無心水中港 4G 雙卡機分享呢？不妨留言講講啦！
▲ 以目前可以買到的行貨中港 4G 雙卡機而言， Desire 620 其實算幾平。
▲ 對於 Desire 820s ，坦白講版主個人覺得相比起來，用 S615 處理器的 Desire 820 雖然較貴比較吸引。
在文章發佈的時侯， HTC Desire 620 定價 $1798 ，按此看詳細規格和最新賣價。
在文章發佈的時侯， HTC Desire 820s 定價 $2398 ，按此看詳細規格和最新賣價。
