小米 Note 頂配版大陸開賣前減價引來瘋搶！水貨逼住捱炒價
早兩個星期版主 Eddie 就同大家分享過小米宣佈 小米 Note 頂配版會於 5 月 12 號係大陸開賣，而價錢方面係正式推出前就調整左，由一月時公佈的 $3,299 人民幣（約 $4,123 港幣）減至 $2,999 人民幣（約 $3,770 港幣），令呢部旗艦係價錢方面的競爭力進一步提高。係規格上小米 Note 頂配版實在不錯，係頻段上有五模多頻，支援到 TD-LTE (Band38、39、40、41)、FDD-LTE(Band 3 、Band 7) 的 4G 頻段，亦支援 TD-SCDMA 與 WCMDA 。屏幕上比起標準版的 FHD 芒，頂配版亦提升至 5.7 吋的 2560 x 1440 (2K) 解像度屏幕，處理器就用左 Qualcomm S810 64bit 2.0GHz 八核配 4GB RAM 以及內置 64GB 容量（不過唔可以插卡）。相機方面係 1300 萬像素 Sony 感光元件光學防震鏡頭和 400 萬像素 UltraPixel 前鏡頭的搭配，而電量就有 3090mAh 。
▲ 係大陸小米官網上，小米 Note 頂配版要等下一輪開賣先能夠搶到。（ 5 月 19 號）。
來貨價被抬高！小米 Note 頂配版水貨價貴原價近千！
不過，價錢減左當然會吸引到更多人搶啦，不少大陸媒體都報導小米 Note 頂配版因為定價調低左的關係，係開賣前網上預訂人數已經上百萬。係大陸反應咁熱烈，香港當然都好難搵到啦，版主係網上同深水埗場內都只係有好少量的鋪頭有入貨，但價錢都唔便宜。本來小米 Note 頂配版定價 2999 人仔（約 $3769 港幣），而暫時場內售價就要 $4600 左右。可能大家都會好奇點解來到香港賣價會貴成千蚊，版主當然都問過啦，據知小米 Note 係大陸來貨價已升至 3500 人仔左右（約為港幣 $4399 ），如果想搶先入手試玩的朋友可能等多陣會比較好啦。唔知大家又點睇呢部被「炒米」的小米旗艦機呢？不妨留言講講啦。
▲ 小米 Note 頂配版的黑色包裝盒係相當易認，不過係網上同埋場內都好難搵到。
在文章發佈的時侯，小米 note 頂配版仍未公佈的官方定價，按此看詳細規格和最新賣價。