小米之前就話今日 11 月 9 日會有神秘驚喜，咁到底係咩驚喜呢? 小米就話，由 11 月 11 日 10 點開始，小米嘅旗艦手機之一小米 Note 將會進行減價優惠，由原價的 HK $2999 減至 HK$2499，減左超過一成，呢個優惠唔知吸唔吸引到你呢?
小米 Note 擁有 5.7 吋全高清大屏幕，小米強調它的屏幕比 iPhone 6s Plus 還要大。機身尺吋為 155.1 x 77.6 x 6.95 mm，重量為 161g。規格方面，小米配備 Qualcomm Snapdragon 801 2.5GHz 處理器，並內置 3GB RAM 以及 64GB ROM。而相機方面，小米 Note 配備了 1300 萬像素主鏡頭及 400 萬像素前置鏡頭。電量方面，小米 Note 配備了 3080mAh 電池，配合 MIUI 7 的省電技術，能夠增加續航力。
小米亦強調，以性價比來說，小米 Note 能夠冠絕同級對手。如果以價格來說，新的價格比 LG G3 仲要平近 7%，呢個神秘優惠唔知你地又點睇呢? 另外，如果想知道更多有關小米 Note 嘅資料，可以按這裡看小米 Note 嘅詳細規格。
