版主以前曾經用過紅米 Note 的第一代，同今日發佈的紅米 Note 3 相比，完全給了我一種截然不同的感覺。雖然話就話從紅米 Note 到紅米 Note 2，外型上都有少許變化，但同紅米 Note 3 嘅變化相比，可以話係小巫見大巫。記得紅米 Note 的時候，機背是採用「鋼琴面烤漆」，望落去好似加左層蠟上去咁，當時雖然版主有用呢部機，但總覺得對佢嘅外型唔係咁滿意。到紅米 Note 2 嘅時候，紅米 Note 2 改用了塑膠的材質，外型上有少少似小米 4c，相比第一代有少少滑手，但手感上比第一代好。
▲ 版主所用的紅米 Note，機背採用鋼琴面烤漆，好似有層蠟係上面咁。
▲ 到紅米 Note 2，改用左塑膠機背，少左果層蠟質的感覺。
到今日推出左紅米 Note 3，版主我對紅米 Note 系列的印象改觀。紅米 Note 3 改用了全金屬機身設計，機身厚度為 8.65mm，重 164g，並採用了 5.5 吋 1080p 全高清屏幕。在規格方面，紅米 Note 3 配備了 MTK Helio X10 處理器，有雙網通標準版 (2GB RAM + 16GB ROM) 以及高配版 (3GB RAM + 32GB ROM)，電池容量亦提升到 4000mAh。相機方面，紅米 Note 3 配備了 1300 萬像素主鏡頭以及 500 萬像素前置鏡頭。此外，紅米 Note 3 亦加入了指紋識別功能，能夠達至 0.3 秒解鎖，並支持雙卡雙待 4G 網絡、802.11ac Wi-Fi 等，將會運行 MIUI 7 系統。
▲ 紅米 Note 3 的正面圖。紅米 Note 3 採用了金屬機身，並配備了 5.5 吋 1080p 全高清屏幕。
▲ 同過往的紅米 Note 系列一樣，機的下方會有功能鍵、主頁鍵以及返回鍵。
▲ 紅米 Note 3 的機身輕薄，只有 8.65mm 厚，以 4000mAh 的電池來說，算是挺薄的。
▲ 機的左邊你會看到有個 Sim 卡槽，可支援雙卡雙待 4G 功能。
▲ 機背的上方有 1300 萬像素主鏡頭，支持 PHAF 相位對焦功能，而鏡頭的下方則有閃光燈。閃光燈的下方新加入了一個圓形的指紋辨識器，小米稱能夠做到 0.3 秒解鎖。
▲ 機背下方會見到有個喇叭。
▲ 至於機的底部設有 USB 槽，可用作充電以及數據傳輸功能。
版主覺得呢部紅米 Note 3 真係比以前兩代在外型上靚左好多，而且功能上都提升左，除左擁有金屬機身之外，仲加入了指紋辨識器，價錢方面亦屬千元價位，稱佢為「千元旗艦」，亦真係當之無愧。撇開大陸廠以及私隱問題唔講，就外型方面大家覺得部 Note 3 合唔合格呢? 留言講下你的意見啦!
來源：小米社區
在文章刊登時，紅米 Note 3 標準版的上市日期未定，按這裡有詳細規格及最新賣價。
在文章刊登時，紅米 Note 3 高配版的上市日期未定，按這裡有詳細規格及最新賣價。
紅米 Note 3、小米平板 2 相關連結
樣靚、高效集於一身! 千元旗艦紅米 Note 3 真機圖賞!
紅米 Note 3 四大驚喜! 千元手機今日現身!
金屬機身 + 指紋辨識 + 高性價比紅米 Note 3 即日發招? 小米發佈會直擊!
超薄全金屬機身，但規格不如前代？小米平板 2 實機齊齊睇
Win 10 / Android 雙版本！小米平板 2 價錢最平千元有找！
