Sony IMX 298 跟 Mate 8 一樣！主打 4 軸防手震
嚴格而言，小米係相機方面又唔算完全係新野，當中 Sony 的 IMX298 感光元件 1600 萬像素鏡頭同 f2.0 光圈，支援 PDAF 相位對焦同埋 DTI 技術，不過早係上年已經為 Mate 8 所用。（當然，從性價比而言，最貴的是 2699 人仔，換成港幣都係三千二左右，平過 Mate 8 ，係更抵啊！）。除左 IMX 298 感光示件之外，小米 5 的相機更加有 4 軸防手震，官方提到可以檢測 8 個方向抖動，從以作出調整。要知道，上年 LG V10 、 Mate 8 等旗艦，都只係主打 3 軸防手震，難怪小米不斷強調呢個技術係小米 5 的「黑科技」了。（當然有幾勁稍後會試到）簡單來說，純以規格而言，小米 5 係「交足功課」的，接下來就要睇下實拍成像方面，小米 5 實力如何了！（雖然版主都好想用成像更出色的 LG V10 或者係 Samsung Note 5 做比較，但手上只有 S6 edge ，唯有用 S6 edge 來做比拼對像了）
實拍鬥 Samsung S6 edge ，誰更強？
係分享實拍比較之前，同大家講一論試用體驗先。首先因為 IMX 298 預設比例係 4:3 ，所以如果大家轉用了 16:9 的話，像素會減至大約 1200 萬像素。（版主就係忽略左呢點，將小米 5 調至 16:9，所以同 S6 edge 對比，像素係會低左少少⋯⋯唉）。另外就係對焦方面，今次小米對於小米 5 的對焦系統，其實未有提到很多（不過都有 PDAF 相位對焦），版主試用時，感覺其實同一般手機沒有分別。最後，今次版主同以往一樣，唔會開名，留待最後先同大家講，邊部先係小米 5！
好，開估了！答案就係左列（手機版是上面）的相片就係小米 5 的作品！可以見到，係日拍方面，其實小米 5 的顏色更加豐富飽滿，自然睇落更加靚。版主認為這是一個優勢來，一方面小米 5 的顏色唔算係失實，同時又能討好使用者。不過， Samsung S6 edge 係顏色方面其實一直都係弱項，呢方面要到 Note 5 版主先覺得做得好。另外，係日拍細緻度方面，兩者基本上差不多。
但來到室內環境，情況有點唔同。因為夜拍最忌就係離訊多同埋油畫化，呢方面小米看來仍未控制得好。當然有朋友會覺得 Samsung 係處理低光環境的手法唔多好，以最後一張水杯為例，現場其實係暗到不得了，小米 5 的相片更乎合肉眼所見，呢點係好定壞個人就覺得視乎個人喜惡了。簡單來講，小米 5 的相機比起以往，係有進步的，但能唔夠夠擊敗今年推出的大廠旗艦？版主都唔敢講呢！