在昨日的發文中，圖片上表示「小米探索者任務 聽日中午 12 時啟航」。到底「探索者任務」係乜黎架呢? 原來，小米今日中午 12 時正式宣佈，擁有全金屬 + 指紋辨識 + 大電池 + 雙卡雙待的紅米 Note 3 即將上市，率先邀請 10 個小米用家成為「探索者」，參加呢個「探索者任務」，讓佢地可以在香港出紅米 Note 3 行貨之前，率先體驗呢部手機，同佢影下靚相。
▲ 昨日晚上 9 時，小米香港 Mi Hong Kong 上發文，表示今日中午 12 點會有「美好嘅事情發生」，到底係咩野事呢?
▲ 在剛剛中午 12 點的發文中，可以看到小米會率先邀請 10 位米粉參加「探索者任務」，並有機會在上市前體驗紅米 Note 3。有關「探索者任務」活動詳情﹐可按這裡了解參加資格、報名時間等資訊。
好喇! 除左有得試玩之外，大家最關注的，應該係到底講左咁耐，紅米 Note 3 幾時先有香港行貨呢? 版主收到風，話紅米 Note 3 將會在 3 月底抵港，而香港推出的版本將會是中國全網通版，至於香港售價幾多，暫時未有更多消息，當然一有消息，版主會立即同大家分享!
來源：小米香港 Facebook
在文章刊登時，紅米 Note 3 的香港賣價未定，按這裡有詳細規格及最新賣價。