紅米 Note 3 今日終於正式來到香港，睇番昨日 (20/3) 紅米 Note 3 水貨的價錢，2GB RAM / 16GB ROM 版本賣緊大約 $1400 左右，而 3GB RAM / 32GB ROM 版本則大約 $1500 - $1600，今日紅米 Note 3 正式抵港之際，估計水貨價將會再有所下調。紅米系列的手機，一向以「高性價比」為賣點，賣價一般處於千元價位。今次紅米 Note 3 正式抵港，一如以往採用了低價策略，16GB 版本的建議零售價為 $1299，而 32GB 版本則為 $1499，於 3 月 23 日正式開賣，有金、銀、灰三種顏色。呢個價，網友又收唔收貨呢?
不過老老實實，就價錢來說，紅米 Note 3 的確不貴，但這部手機 1 月大陸開賣，而且水貨又滿街都是，家陣先來到香港，已經少左份新鮮感，有時又未必能夠令人提得起勁入手。之前同大家講過，紅米 Note 3 一改上代的風格，採用了「金屬」機身設計，機背具有指紋辨識器。不過版主試過，雖說是金屬，卻充滿膠感，所以「一分錢，一分貨」這句話是不無道理的。而版主覺得，撇除外型不說，真正值得注意的，是紅米 Note 3 的配置。千元價位，可以俾到你啲乜?
開始的時候已經提過，紅米 Note 3 版本會用上 Qualcomm S650 處理器，並且支持雙卡雙待功能。採用 Qualcomm S650，除左支援中國大陸三大手機 3G / 4G 網絡，更做到香港有左好耐的 4G+，上網速度更快。另外，紅米 Note 3 雖然只有 5.5 吋芒，電量卻有 4050mAh，而且不會覺得厚和重，這點算是紅米 Note 3 做得較好的地方。至於相機鏡頭方面，紅米 Note 3 採用了 1600 萬像素主鏡頭。網友們，是時候入手了嗎?
在文章刊登時，紅米 Note 3 (2GB + 16GB) 建議零售價為 $1299，按這裡有詳細規格及最新賣價。
在文章刊登時，紅米 Note 3 (3GB + 32GB) 建議零售價為 $1499，按這裡有詳細規格及最新賣價。
紅米 Note 3 評測以及相關報導
同 MTK U 講拜拜! 紅米 Note 3 S650 平價到港!
版主收風！發佈日期確定，紅米 Note 3 抵港鬥 HTC One X9
金屬機身 + 4000mAh 電! 網友齊上手評測 紅米 Note 3 到港有期
新舊大對決！紅米 Note 3 全網通 效能、相機版主全面試
玩轉 MTK ，再玩賤 Qualcomm! 小米推紅米 Note 3 全網通
四千大電＋最平金屬機！紅米 Note 3 效能+續航力 版主開箱試
紅米 Note 3 四大驚喜! 千元手機今日現身!
