Android 6.0 的 MIUI
首先，講講賣價。今次香港返貨會係第一批在中國大陸開賣嘅小米 Max，亦即係 3GB RAM + 32GB ROM + S650 CPU 版本，跟台灣版主之前試嘅 S652 嘅 S652 CPU 版本有點不同，賣價為 $1980，比起大陸價人仔 $1499 唔算貴好多。據知，今次番貨都幾多，應唔會有炒價。小米 Max 發表之時，小米同時發佈會推出 MIUI 8.0 版本，但今日發售嘅小米 Max 都只係行 MIUI 7 版本，但好采嘅係，已用了 Android 6.0 核心。當中版主發現，小米 Max 是少數 Android 6.0 手機支援記憶卡合拼，呢個功能，只有 HTC 與 Motorola 有引入佢地嘅手機，LG、Samsung、Sony 都一直拒絕採用。不過咁，小米 Max 係 MicroSD 與 SIM 2 為同一個 Slot，你用上了記憶卡合拼，就只能用 SIM 1 還要是 MicroSIM 不是 nanoSIM。
▲ 小米 Max 支援記憶體合拼功能。
全網通 3.0
全網通本來唔係好關香港人事，因為除非你返大陸仲要用上中國電信嘅 CDMA 網絡，否則可以不理。但全網通 3.0 另一個好處，係雙卡雙待支援 4G / 3G / 2G + 3G / 2G，即係唔一定迫你話音部份要用 2G GSM，可以用番 3G WCDMA，係香港情況下，比較合理。留意小米 Max 支援 4G+ (LTE-A) 及 VoLTE，但香港，只用到 LTE-A，不能用 4G 打電話。
▲ 版主試過，不用裝軟件，已同時支援 3G 與 4G 網絡一齊使用，還用到 4G+ 呀。
▲ 香港無推出嘅華為 P8 Max 同樣有 6.8 吋巨芒，仲要係 1080p 解像度，電池 4320mAH，現時賣 $2350。
▲ 呢部 Lenovo PHAB Plus 係行貨來，有 6.8 吋 Full HD 芒，但電池未過四千。32GB ROM ＋2G RAM，都只係賣 $1850 都叫平啦。若果去電器連鎖店賣，都係 $1998，係小米 Max 以後另一個平價選擇。
更多有關小米 Max 的消息：
狙擊三星 A9 Pro！6.4 吋芒小米 Max 四大賣點發佈前搶先睇定價、實機照曝光！6.4 吋芒小米 Max 外型降級，仲要貴過米 5？
五千大電 Asus Zenfone Max 有行貨！小米 Max 香港會賣
4GB RAM + 128GB ROM! 6.44 吋巨電小米 Max 好抵玩?
外型拼小米 5! 小米 Max 屏幕、跑分一手試!
小米 Max 在文章發表時，香港行貨上市日期未定，按這裡有詳細規格及最新賣價。
