6.44 吋手機佢最平，小米 Max 香港上市，呢個價好抵?

Keith Yim 2016-07-05 15:21 | 小米

睇睇 ePrice.HK 手機點擊排行榜，巨芒 6 吋 Sony Xperia XA Ultra 成為最多網友想知嘅手機。不過，更大的來臨了。今日小米公佈小米 Max 正式在香港上市，其 6.44 大芒加金屬機身絕對是賣點。與此同時，價錢平過 XA Ultra 也是意料之內。呢個價，呢個 Spec，你會揀日廠，定係揀陸廠機？



小米 Max 是小米歷來屏幕最大的巨芒手機。有 6.44 吋屏幕 Full HD 解像度。手機材質用上類似紅米 Note 3 的金屬機身設計，同時機面有 2.5D 玻璃。香港版小米 Max 配備 Qualcomm Snapdragon 650 處理器。3GB RAM 以及 32GB ROM ，也支援最大 128GB 的 microSD 卡，支援中港 4G，雙卡雙待，但其中一個 Slot 會係與 microSD  卡共用。賣價為 HK$1799，七月十四日起，係小米香港網站及 csl. 發售。csl. 也會有上台 Plan，上台跟 Plan 即送 24 個月 Viu 劇集 App 嘅收費版。

相機部份，小米 Max 採用了 1600 萬像素主鏡頭以及 500 萬像素前置鏡頭，並支持相位對焦功能。最後，電量也是小米 Max 賣點，內置 4850mAh 大電量。小米沒有說明小米 Max 支援快充充電，但跟機嘅充電器，只支援 5V / 2A 做到 10volt 輸出出至手機。小米 Max 運行 MIUI，其實跟據 Android 6.0 更改，並支援記憶卡合拼功能。






小米 Max 係文章刊登時，賣價為 $1799 按這裡有更詳細規格及最新賣價。