假概念，似抄襲，真發售！大芒 6.44 吋小米 Mix 突然現身

Keith Yim 2016-10-25 16:58 | 小米

以為梁朝偉代言小米 note 2 係主角，咁就大錯特錯。小米係 25/10 嘅發佈會，突然宣佈一部「概念手機」。不過，香港人永遠同大陸人嘅文化係唔同，反正對「知拿」呢個發音，兩地都有唔同感覺嘅時候，連「概念」都有新解法，講完一輪，概念手機原來有名有姓，有 Spec，有配件，仲有賣價，係呢一刻，才知概念不過是炒考 Sharp，Concept 係實實在有得賣。呢部小米概念手機小米 Mix，有著像 Sharp 日本手機嘅高屏佔比，近乎無邊框嘅設計，仲有最高檔嘅配置，十一月四日係中國大陸上市。

▲ 小米 MIX 由 Philips Strack 作設計

今次小米雷軍用上很多時間，講述佢最想要一部什麼嘅手機，佢話心目中嘅手機，最好係有高屏佔比，並且要有番咁上下嘅大細。而設計更加要簡約，於是乎，雷軍就找了著名嘅室內設計師 Philips Strack 作為全新小米概念手機嘅作工業設計。

所以概念手機，原來已不只在研究中，11月4日，中國大陸嘅網友就可以買得到。呢部概念機，原來有名有姓：叫小米 MIX。雖然唔係 MAX，但跟小米 MAX 一樣，有 6.4 吋大屏幕。呢個大屏幕都算巴閉，佢有 91.3％屏佔比，由於用上 Virutal 按鍵，基本上，差不多成部手機正面都係屏幕。而自拍相機，亦設在屏幕嘅下方，聽起來係咪好熟？其實 Sharp 日本咪推出過類似設計嘅手機，仲要唔指一部啦! 概念手機？抄考咋！不過，小米機身都有其特色，用上全陶瓷機身，包括機背，邊框與按鍵。小米 MIX 仲有一個尊享版本，用上 18K 鍍金相機及機背指紋框。

至於手機配置，攪了一輪，都要最強視人：Qualcomm S820 2.3GHz 高性能版 SoC，最高配 6GB RAM 及 256GB UFS 2.0 ROM，有 4400mAh 大電池，支援 Quick Charge 3.0，有可作 Mobile Payment 嘅 NFC，支援 24bit / 192Khz Hi-Res 音樂播放。有1600 萬像素相機及前置 5 百萬相機。衰 D 講，理得佢係咪概念，好睇咪得，好用咪得囉。