小米 5s Plus 香港推出，好大機會同台灣一樣，只有一個版本，就係 6GB RAM + 128GB ROM。啱哂啦！唔少人成日都話 64GB 都唔夠用，今次俾到 128GB 你，相信都好難唔夠用卦？而版主收到風，內置 6GB RAM + 128GB ROM 的小米 5s Plus，香港賣價會為 $2999，比較番大陸定價 2599 人仔，其實真係差唔多價。呢個價錢，網友覺得係叫貴定平呢？
其實，如果從性價比的角度來說，版主個人覺得，小米 5s Plus $2999 呢個價錢，一點也不貴。試想想，S821 處理器仲要性能版 (即主頻最高 2.35GHz)，又有 6GB RAM，又有 128GB ROM，而且仲有雙鏡頭添！5.7 吋的大芒，符合不少網友的需要，睇片、打機啱哂。而我覺得唯一缺點是，機身改用金屬，感覺唔係太討好。不過，無論部機性價比有幾高都好，大部分網友都會覺得，小米手機賣到三千蚊，實是不值。你又點睇呢？
▲ 如果機背唔係用金屬，相信版主對呢部機的整體感覺會好好多。
小米 5s Plus 香港版是 128GB ROM + 6GBRAM，賣價為 HK2999，十一月十日上市，按這裡有更詳細規格及最新賣價。
