「續航怪獸」小米 Max 2 抵港！五千三電 + 慳電Ｕ 呢個價吸引?

左定坤 (Cho Ting Kwan) 2017-06-05 18:48 | 小米

提到大芒手機，如果要你選出一部為「性價比之王」，你會選邊部呢? 相信有不少網友心中都有個答案，而版主認為，小米 Max 系列的性價比應該是最高，而且可以說是最受歡迎。上個月尾，小米再次推出了第二代的小米 Max 2，同樣以性價比為賣點，又大芒又大電，而呢部小米 Max 2 今日終於正式抵達深水埗水貨舖，第一水賣價會係幾多，你又會唔會考慮呢? 即刻睇下文啦!



小米 Max 2 64GB 版本，水貨今日正式抵港，第一水賣價為 $2250，跟官方建議零售價相差三百蚊左右 (官方建議零售價為 1699 人民幣，折合港幣約 $1946)，其實算是相當合理。小米 Max 2 採用了 6.44 吋 1080p 顯示屏，配備了 S625 處理器，雖然沒有用上新 6 系 U，不過呢粒處理器出名慳電，加上有 5300mAh 核電，續航能力絕對不容忽視，分分鐘用夠兩日都無問題。唔單止咁，小米 Max 2 仲有支持 QC 3.0 快速充電，1 個鐘可以充到 68% 左右，真係無電去 cafe 坐低休息下，電量已經可以夠一日使用。另外，小米 Max 2 內置 4GB RAM，對於版主來說相當夠用。唔知網友覺得，呢部小米 Max 2 + 呢個價錢，是否吸引呢?





小米 Max 2 (4GB + 64GB) 在文章發表時，第一水賣價約 $2250，按這裡有詳細規格及最新賣價。