說到舊機，當然是有在香港出行貨的小米 MIX 2，雖然話係舊機，但其實用到 S835 處理器，效能方面都夠用的，係相機部份差了一點。繼一月做過一次限時減價之後，在最近的米粉節中，限時優惠再來了。即日起小米 MIX 2 建議零售價再次減 $400。6GB / 64GB 版本最新建議零售價為 $3499，6GB / 128GB 版本則為 $3899。至於 8GB / 128GB Unibody 全陶瓷版，最新賣價則為 $5099。不過，同上次一樣係減得果 $400，上次清唔哂，難道今次可以清得哂嗎？
想平少少入手小米 MIX 2，其實 csl. 賣得比官網「米粉節」優惠更平。不過，講明先真係平少少，6GB / 64GB 版本 csl. 淨機價為 $3449，比官網平 $50，另有 200 Club 積分；6GB / 128GB 版本 csl. 賣 $3749，相比官網平 $150，但 Club 積分會少一點，得 100 分；至於 8GB / 128GB Unibody 全陶瓷版，csl. 賣價則為 $4999，比官網平 $100，終於跌穿五千，榮升四字頭行列，並會有 200 Club 積分。連 csl. 都平過小米官網，咁小米搞「米粉節」減價，都一樣照舊清唔到貨，救唔到銷量咋喎？你又點睇呢？
小米 MIX (128GB) 在文章發表時，官網賣價為 $3899，按這裡有詳細規格及最新賣價。
