本身都唔貴
紅米 Note 8T 本身都唔貴，上年 (2019) 年推出，4GB + 64GB 記憶卡版本只係賣 $1399。不過，低處未算低，即日起，豐澤網店減至 $1040，真係差 40 蚊就變咗百元手機。紅米 Note 8T 採用 6.3 吋 FHD+ 屏幕，用上水滴額設計。香港本來有兩個版本，今次減價係「高配版」內置 4GB RAM 以及 64GB ROM。相機部份，紅米 Note 8T 有四主鏡頭，分別為 48MP 標準、8MP 120 度廣角、2MP 2cm 微距以及 2MP 景深鏡頭，而前置鏡頭則為 13MP。亦因為用咗支援人工智能嘅 S665 SoC，相機亦加入 AI 場景功能。而電池容量為 4000mAh，並支持 18W 快速充電。而支援 NFC，會係賣點。早前剛推出嘅 5G 手機，華為 nova7SE，賣到二千幾，又係 5G，居然都無 NFC。有 NFC 咁大家用 Google Pay、八達通 App 查八達通餘額都方便好多啦。
S665 同級手機大比拼
▲ 講到佢嘅對手，一定要數版主 Keith 之前勁推介嘅 Nokia 5.3，佢哋有著同樣嘅 CPU、RAM 同 ROM 加上電池容量。至於其他規格嘅分別，點一點上圖就知。比較之下，Nokia 5.3 採用 Android One，出機已係 Andorid 10 仲有兩年升級保證。而紅米 Note 8T 出機都只係 Android 9 版本嘅 MIUI ，會否升級至 Andorid 10，暫時未知。不過，Note 8T 跟機送 18W 叉機，都係一個唔錯賣點，因為 Nokia 5.3 得 5V2A 充電器架咋。
購買點：豐澤網店
