6.53 吋屏幕，支持 1nit 超暗夜光屏
外型部分，紅米 Note 9T 5G 採用了 6.53 吋 FHD+ 19.5:9 屏幕，屏佔比達 90.8%，通過了德國萊茵 TUV 低藍光認證，並支持 1nit 超暗夜光屏。屏幕左上方用咗穿窿設計，顏色方面有黑色以及紫色兩種選擇。機背材質都幾特別，並唔係用玻璃材質，應該係膠背但表面會有些坑紋，摸上手會有啲質感。另外，機背會見到圓形設計嘅三鏡頭，而機側則有結合指紋辨識功能的電源按鍵。
首度用上 UFS 2.2，連續寫入速度提升 100%
規格部分，紅米 Note 9T 5G 配備了 MTK 天璣 800U 7nm 5G 處理器，呢粒處理器安兔兔跑分約有 345370 分，版主收風香港會推出 4GB RAM + 64GB ROM 以及 4GB RAM + 128GB ROM 兩個版本，並首發用上 UFS 2.2，連續寫入速度最高提升 100%，電池容量為 5000mAh，並支持最高 18W 快充。相機部分，紅米 Note 9T 5G 用上 48MP 高解像度標準 + 2MP 景深 + 2MP 微距的三鏡頭組合，呢部份同大陸版唔同，無咗超廣角鏡頭。而前置鏡頭則為 13MP。
支持 5G 雙卡雙待，香港版無 n79
其他功能部分，紅米 Note 9T 5G 支持雙 5G 待機功能，不過留意一點，大陸版你會見到有 n79 頻段，但香港版則沒有，適用於香港的只有 n1 以及 n78。另外，手機支持 HPB 性能加速技術，小米表示能夠用到 24 個月唔會窒機，有效降低 45% 用耐咗會窒機嘅情況；配備 7 顆溫度傳感器，能夠做到智能控溫的功用。
最後，價錢方面，同大家分享咗國際版價錢先，賣價如下圖：
睇完上面都係啲歐洲價錢，睇完都會諗，關我鬼事咩。而根據版主收到嘅消息，紅米 Note 9T 5G 香港賣價會由一千中起，實際賣價有待確定。呢個價錢網友又點睇呢？
