小米 13 Pro 貨少，大舖減價少
據我所知，小米 13 Pro 其實本身都唔算好多貨，開賣之後好快就話缺貨，到後期先將慢慢補貨。我老豆見我部機影相幾靚，又買咗部嚟緊去旅行用，但就算小米之家都要訂貨，剛剛尋日先有貨拎到。我問佢點解唔等埋部 13 Ultra，佢話佢對個配件無乜需要，咁佢決定啦～13 Pro 都已經好夠用，最緊要有貨。不過，小米之家買 13 Pro，其實無乜特別額外着數，同豐澤買嘅價錢都係一樣，256GB 由建議零售價 $7699 減至 $7399，即係減咗 $300；而 512GB 就無減價，維持喺 $8499 價位。但其實如果你想買 13 Pro，無論係小米之家，定係豐澤，都未必係最佳選擇。
CMHK 網店買 比小米之家、豐澤更抵玩
講價錢比較抵玩嘅，應該係中國移動香港 CMHK 網店，留意到佢哋小米 13 Pro 嘅「淨機優惠價」，原來只需 $7049 起，即係減咗 $650，而且唔使上台，就咁買就買到，但顏色就得陶瓷黑，無白色揀。不過，價錢比出面平，又係行貨，我覺得呢樣已經好重要！至於買唔買小米，就個人意願，自己喜歡就好。反正，我自己都用緊小米 13 Pro，係幾中意嘅！最後，撳入呢條 Link，可以進入 ePrice 手機資料庫，了解一下小米 13 Pro 嘅詳細規格同埋最新賣價！
