小米 13 Ultra 推出純白限定版！全港僅 100 部！
小米 13 Ultra 專業相機套裝，一推出好快就被賣光，當然其中一個主要原因，係因為貨量少，變相做成一個供不應求嘅現象，而之前賣嘅係綠色版本，嗰陣買唔到唔緊要，最近佢哋宣佈特別推出純白限定版，白色嘅皮製機身，比起綠色更型格、更搶眼！由 2023 年 7 月 23 日開始，你可以喺指定地點，包括銅鑼灣 / 旺角 / 元朗嘅小米之家、指定零售商以及運營商，買到小米 13 Ultra 純白限定版，全港只係得 100 套，手快有，手慢無。而純白限定版，同之前賣嘅版本一樣，建議零售價都係 $8999，送專業相機套裝，價值 $1299。對於鍾意小米 13 Ultra 有齊成個相機配對嘅網友來說，你會唔會把握機會去搶返部返嚟玩下呢？
小米 13 Ultra 硬件規格
規格方面，小米 13 Ultra 採用了 6.73 吋 AMOLED 屏幕，解像度為 3200 x 1440，配備 Qualcomm Snapdragon 8 Gen 2 處理器，內置 12GB RAM 以及 512GB ROM，電池容量為 5000mAh，並支持小米自家 90W Turbo Charging 快速充電、小米自家 50W Pro Turbo Charging 無線秒充以及 10W 反向無線充電。相機部分，小米 13 Ultra 具有 5000 萬像素廣角、5000 萬像素長焦、5000 萬像素超長焦以及 5000 萬像素超廣角鏡頭，除了廣角鏡頭用上 Sony IMX989 1 吋 CMOS，其餘三個鏡頭都係用上 IMX858，在攝力硬件上相當頂級，在加埋有 LEICA 加持，影相好有獨特風格！你又會唔會考慮入手返部呢？按這裡或按下圖有 小米 13 Ultra 詳細規格及最新賣價
