小米 14T Pro 開箱看外觀
同大家開箱之前，首先循例都要同大家講下部手機，小米 14T Pro 採用咗 6.67 吋 CrystalRes AMOLED 屏幕，解像度為 2712 x 1220，支持高達 144Hz 屏幕刷新率，而峰值亮度則高達 4000 nits，超光亮度意味住喺猛烈陽光之下，都可以相對其他手機更能清楚看到屏幕上嘅內容。另外，屏幕支持 HDR10+ 以及 Dolby Vision 技術，支持 TÜV 低藍光認證、TÜV 無閃爍認證等護眼規格。而反轉機背，則會見到左上方會有「四筒設計」嘅相機模組，雖然有四個窿，但實質只有三個主鏡頭，不過關於相機部分，開箱完先再同大家詳講。小米 14T Pro 官方有泰坦灰色、黑色以及藍色三種顏色選擇，而我今次手上這部，是黑色的版本。
▲ 小米 14T Pro 包裝盒。
▲ 上面好清楚見到 LEICA 小紅點。
▲ 包裝盒內有 USB 線、黑色保護套以及小米 14T Pro 實機，無跟火牛。
▲ 正面為 6.78 吋屏幕。
▲ 黑色的機背有像磨砂盤的材質。
▲ 屏幕上方有圓形前置鏡頭。
▲ 背面是四筒設計的三鏡頭。
▲ 有個橫向的 XIAOMI 字樣。
▲ 右側有音量鍵以及電源鍵，電源鍵有凹凸不平的紋理。
▲ 底部有喇叭、Type C 充電插槽以及 SIM 卡槽。
小米 14T Pro 性能測試
規格方面，小米 14T Pro 配備咗 MTK 天璣 9300+ 4nm 處理器，CPU 時脈最高為 3.4GHz，內置最高 12GB LPDDR5X RAM 以及 1TB UFS 4.0 ROM，透過虛擬記憶體技術可以提升至 32GB RAM，電池容量為 5000mAh，並支持 120W HyperCharge 快速充電以及 50W Wireless HyperCharge 無線充電。而關於呢粒 MTK 天璣 9300+ 處理器性能係點，版主會用安兔兔評測等跑分軟件，畀大家參考一下。
小米 14T Pro 相機成像參考
相機方面，如啱啱所講，小米 14T Pro 係具有三個後置鏡頭，而且都用上 Leica 認證，可涵蓋五個從 15mm 到 120mm 不同焦段，其中 5000 萬像素的主鏡頭光圈值為 F1.6，用上最新的 Leica Summilux 光學鏡頭，並搭配 Light Fusion 900 感光元件，焦距為 23mm，支持 2.4μm Super Pixel，配合雙原生 ISO Fusion Max 技術以及可高達 13.57EV μm 動態範圍，比前一代多捕捉高達 32% 光線，確保影像生動細緻。小米 14T Pro 更配備一個 7P 非球面高透光鏡頭，可捕捉更多光線並支持高動態範圍拍攝。另外 14T Pro 還具有 5000 萬像素、焦距為 60mm 的望遠鏡頭以及 1200 萬像素 15mm 超廣角鏡頭。在一般拍照模式下，小米 14T Pro 具有兩個 Leica 拍攝模式，分別為 Leica 經典以及 Leica 生動，而人像模式下則有 Leica 人像以及大師人像兩大模式，不過版主我就一般喜歡用大師人像多一點，而且我基本上除非係用超廣角影相，如果唔係我一般都會直接用人像 Mode 影相，感覺已經可以拍攝出還不錯嘅照片。
以下為一些用小米 14T Pro 拍攝出來的成像，給大家參考一下：
小米 14T Pro 具一系列 AI 功能
個個 Brand 都講 AI，而家小米 14T Pro 都加入咗唔少 AI 功能，主要涵蓋搜索、語音、文本、圖像以及影片五方面，幫助用家提高生產力。其中包括：001: Circle to Search
無錯，呢個功能聽落好似好熟面口，因為呢個功能係 Google 推出嘅功能，之前喺三星旗艦手機上都有呢個功能，而今次小米 14T 系列就都同 Google 合作，推出呢個 Circle to Search 功能，成為首批提供呢個功能嘅小米設備之一。用家無需切換應用程式，就可以立即搜索手機上所見嘅任何內容。
002: AI 翻譯功能
AI 翻譯功能有助用家克服語言障礙，方便會議中和通話中同唔同國籍嘅人進行溝通。AI 記事本和 AI 錄音機可以透過語音轉成文字記錄，透過準確嘅語音識別以及快速摘要功能，都同樣可以提高效率，從而即時翻譯。
003: AI 圖像編輯
AI 圖像編輯可以智能擴展圖像，而 AI 消除 Pro 可移除不需要的元素，例如你影緊相有個路人入咗鏡，你可以將佢消除掉，並透過 AI 生成返個背景出嚟。AI 電影讓製作短視頻更輕鬆，而 AI 寫真則可以生成個性化頭像，展示獨特風格。
三個功能之中，我覺得比較實用，係 AI 消除嘅功能，所以都畀大家看看呢個功能出嚟嘅效果如何。
