Redmi Note 14 Pro+ 5G 開箱看外觀 + 耐用度測試
同大家做個開箱之前，先同大家講下少少呢部 Redmi Note 14 Pro+ 5G 嘅資料，呢部手機一共有三種顏色選擇，分別為薰衣紫、冰霜藍同埋午夜黑，而今次版主上手嘅係午夜黑色，採用咗 6.67 吋 CrystalRes AMOLED 屏幕，解像度為 2712 x 1220，支持最高 120Hz 更新率，峰值亮度更高達 3000 nits，即使陽光之下都可以清楚看到屏幕上嘅內容，並且支持 1920Hz PWM 調光、HDR10+ 等功能，並獲得德國萊茵低藍光、節律友好以及無閃爍認證。而呢部手機既然 sell 硬淨，最重要佢唔可以咁容易就話爆芒！佢個屏幕用咗 Corning Gorilla Glass Victus 2 覆蓋，號稱一般正常跌落地唔會咁容易爛，不過講緊係正常嘅地面，小米講解專員喺發佈會度都好誠實咁講，如果跌落好多石、凹凸不平嘅地度，要爛佢都係會爛。夠老實，我欣賞，因為講事實，對手 HONOR X9c 就算 sell 有幾硬淨，都唔代表一定唔會爛啦係咪先！
而小米喺發佈會上都有兩項耐用性嘅示範，首先就係 IP68 防水測試，當日佢哋一直將幾部 Redmi Note 14 系列手機浸入一個水池入面，畀傳媒朋友玩遊戲釣佢哋上嚟，而嗰啲手機都浸咗好耐，但釣到上嚟繼續可以正常操作。而另一個測試，則係佢哋示範揼三文魚，直接用 Redmi Note 14 Pro+ 個屏幕去揼釘，大大力揼屏幕都絲毫無損，亦都可以看出佢個屏幕有幾咁硬淨耐用！
外觀、耐用性介紹到呢度先，以下就同大家做個開箱，畀大家睇下呢部手機嘅外觀！
▲ Redmi Note 14 Pro+ 5G 包裝盒，包裝盒已大大隻字寫住有 200MP AI 相機以及 120W 超級快充。
▲ 預載了小米自家 HyperOS。
▲ 內置 12GB RAM 以及 512GB ROM。
▲ 午夜黑版本具有黑色的保護套。另外還有充電火牛以及 Type C 線。
▲ 支持最高 120W 輸出。
▲ 具有 6.67 吋屏幕。
▲ 穿窿芒設計。
▲ 側面可以看到具有曲面屏幕。
▲ 機背可以見到午夜黑係用上好似磨砂般嘅材質。
▲ 具有三個後置鏡頭，而今代鏡頭設計都有改。
▲ 左下方會有 Redmi 字樣。
▲ 機身右側會有電源鍵以及音量鍵。
▲ 機底具有 Type C 插槽以及 SIM 卡槽。
▲ 同 Redmi Note 14 系列全家福合照。
▲ 支持 IP68 防塵防水，浸落水入面都無問題。
▲ 用嚟揼釘揼三文魚都一樣得！揼完部手機都係無穿無爛！
Redmi Note 14 Pro+ 5G 性能跑分
Redmi Note 14 Pro+ 5G 配備全球首次亮相嘅 4nm 制程 Snapdragon 7s Gen 3 處理器，內置 12GB RAM 以及 512GB ROM，電池容量為 5110mAh，並支持 120W HyperCharge 快速充電，而跟機的火牛都支持 120W 輸出，不用另外加購。值得一提嘅係，今次小米仲同場推出咗一隻我個人覺得好正嘅尿袋，我之前都有同大家預告過佢哋會出，雖然容量得 10000mAh，但賣點係佢共支持 165W 輸出，其中一個插槽輸出功率高達 120W，用來叉 Redmi Note 14 Pro+ 5G 就啱哂。而另一個賣點係，佢唔止叉其他手機快，佢自己叉電本身都好快，有 90W 充電速度，15 分鐘就可以將個尿袋由 0% 叉到 75%。講真，用尿袋我唔怕個尿袋叉部手機快定慢，但最怕用完叉返起個尿袋慢，要用幾個鐘時間，而今次呢隻尿袋對我嚟講真心吸引，價錢又唔貴，建議零售價只係 $249。
而呢粒首次亮相嘅 Snapdragon 7s Gen 3 處理器性能到底係點呢？版主會用跑分軟件畀大家參考一下，等大家睇下大約係乜級數。
▲ 安兔兔跑分有 74 萬左右，呢個價位手機嚟講，性能算係唔差。
Redmi Note 14 Pro+ 5G 相機成像立即看
Redmi Note 14 Pro+ 唔單止耐用夠硬淨，我覺得佢相機表現都算係唔話得，採用咗 2 億像素專業級 AI 相機系統，配備光學影像防震功能，同時亦支持 4 倍光學級無損變焦以及 30 倍數碼變焦拍攝遠處主體。另外，Note 14 Pro+ 亦具有 800 萬像素超廣角鏡頭以及 200 萬像素微距鏡頭，前置鏡頭則為 2000 萬像素，並支持動態快拍、運動追蹤對焦、閃電連拍、前後雙景拍影等功能。至於 Redmi Note 14 Pro+ 5G 相機成像係點？以下就同大家分享一下： |
 |
 |
 |
 |
 |
 |
 |
 |
 |
 |
 |
 |
 |
 |