散貨難 先達鋪頭唔敢入
講到搶購，相信唔少網友都會諗起炒賣 iPhone 的情況，是不是因為有店鋪大手入貨，令小米 2S 的供應量不足呢？版主首先帶大家睇睇旺角的先達廣場的情況吧。問過幾間店鋪，他們都表示沒有賣小米 2S 的 16GB ，亦不打算入貨賣小米 2S 的 32GB 版，原因是小米這個品牌在香港不太出名，散貨比較難，不敢大量入貨作長期供應。亦有店鋪直言小米是以「性價比」作賣點，如果比定價賣貴 $200 就已經失去吸引力，完完全全「冇肉食」，就算有需求都未必會入貨。
▲先達廣場內沒有小米 2S 的影子，店鋪也直言不考慮入貨
深水埗細鋪賣貴 $300 星期三到貨
另外版主收到消息，在深水埗的一些細鋪有入貨小米 2S ，不過連沒缺貨的 16GB 售價也比「正價」 $2,499 貴 $100 左右，問過店員，預計 32GB 版本的小米 2S 將會在 22 號左右到貨，定價大約在 $3,200 左右，也就是比起正價 $2,899 貴 $300 ，預計貨量不多，只有 3-4 部左右。在同一商場內另一間有賣小米 2S 的店鋪自稱由小米公司直接進貨，亦有賣小米的配件和玩偶，但他們都說貨量不多，預計亦要價 $3,000 以上，是否值得就見仁見智了。
▲坊間有店鋪代理小米 2S ， 16GB 版本賣貴約 $200 ，預計 32GB 版本需要 $3,200 左右
▲32GB 的小米 2S 有店鋪標價 $3,088 ，亦代理其他配件，可是店員說實際價錢要到貨才知道
在文章刊出的時侯，小米 2S （32GB)定價 $2,899 ，Click 入睇機身規格和最新賣價。
網友意見齊齊傾：
睇左咁多資料，大家又發表一下意見吧：
1) 大家會想入手 32GB 加強版的小米 2S 嗎？你對今日火速售罄賣完有什麼意見？
2) 坊間以「炒價」賣 小米 2S ，大家會花多一點錢去入手嗎？還是等下一輪進貨？
![[網友分享] 小米 2S 開箱! 遲買送兩件，笑料多三件](http://img.eprice.com.hk/img/news_hk/10482/large.jpg)
