先數缺點
我不得承認，今天的小米 3 手機，絕對有能力問鼎手機界冠軍寶座。文章開始前，我會把小米 3 缺點先說：據我了解，不能換電池，不能插卡，更沒有 4G ( 但有可能？)。網上好多經常發帖的人都會說，這是手機死穴，絕對不能接受。但我相信 eprice 的網友不是這麼片面的，會用開明的態度看下面的文章
。Part One : 小米記者會：氣氛熱鬧 場面亂哄哄
小米的發佈會一向都是人多鬧哄哄，連試用手機都要排隊，而且基本上你試不到甚麼特別功能，走馬看花不實在。如果我跟你說，短短十幾分鐘就摸清楚小米 3，那就是騙你。
▲ 現場超多米粉，起碼成千人，加上天氣曬到可以炒米粉。據我所知有人請假、逃學去發佈會，真係不得了。
▲ 每位進入人士都可以獲得紙袋一個，裡面當然有野。
▲ 袋裡三樣野：小米歷史書、T - shirt 、同埋一張卡。米粉仲有小米盒子，紅米手機，都幾多禮品。
▲ 好大個米兔，不過相信香港網友未必有興趣，哈哈。
▲ 加盟小米的 Hugo Barra 都有到場，唔少女仔都包圍要求合照，鬼佬副總裁的確好受歡迎。
Part Two : 小米 3 手感一流 似 Android 版 Lumia
▲ [ 官方資料圖片 ] 早幾日我好 sad ，因為 Nokia 以後出 Android 正式無望。但今天的小米 3 卻讓我看到新的希望，手感及外型跟 Lumia 好似，可以話係滿足我一半心願。 ( 另一半當然係由 N 記自己出啦 ~ )
▲ 就咁望好似 Lumia 920，只是屏幕無弧度。因為裡面用鋁鎂合金架構，攞上手好實淨。
▲ 背部乾淨，摸落好舒服，唔會好似其他廠手機咁樣，鏡頭凸出黎唔舒服。
▲ 我覺得厚度夠薄，現在已經犧牲了插卡、換電的方便，再薄可能連 3050 毫安大電池都無埋。
▲ 你話勒，底部個喇叭一個個小孔，令我想起某台灣旗艦機超卓音樂表現，現場試搞喇叭，聲算大聲同埋唔拆。
▲ 全機兩塊按鈕，係曬同一邊，按鍵手感穩陣唔輕浮，順手唔使左右搞。
▲最後我送上黃色機版本兩個模糊圖 XD
小米 3 總結 + 爆料：4G 版有望？紅米港版完成。
上面我只是讓大家看了外觀，裡面的功能沒有提過。小米 3 有幾個比較吸引的功能大家可能感興趣：第一，能拍 RAW 照片；第二，超靈敏屏幕，第三，Dirac 音效技術增強音樂優化。單看外型我個人非常喜歡，但細節使用上，還是要等待真正拿到發售版本的小米 3 才能夠完全下定論。而我也跟不少米粉和媒體聊小米 3 ，他們全部都對這新產品一致表示 like 爆。當然，小米 3 不是完美，上面提到的缺點，可能網友非常關注。小米 3 香港發售時間不會落後內地太多，價格也參考目前小米 2S 定價。同時，小米香港市場部代表表示，聽到 eprice 網友反映沒有 4G 版本，已經準備跟雷軍提出建議。好消息是，紅米香港 3G 版本已經由雷軍親自到港完成測試，相信這部 ｢4 核平米」很快就會跟大家見面。
Part Two : 47吋小米電視 整合式多功能電視
▲ 小米電視有點像把 TV 手指 插進普通電視機，當然有看我們發佈會直播的網友都知道，小米電視機功能眾多。現場展示加入了 XBOX、遊戲手柄等周邊設備。
▲ 遙控 11 按鍵簡化設計，我個人有保留，經常要左左右右上上下下咁樣，的確容易但好麻煩，但遙控個樣係幾正。
▲ 一般來講，小米電視厚度夠曬薄，太薄個屏幕又大的話，容易變形或者唔實淨。( 我屋企成皮野泡菜電視就係咁樣，我寧願有翻少少厚度。)
▲ 小米電視多數功能都要配合網絡使用，上圖小米電視在播放網絡上錄製重播的節目。
小米電視總結 + 爆料：香港有排未有
47 吋小米電視，是小米科技新的產品線，新的嘗試是好事，我們就看看小米電視能否跟手機一樣紅爆中國。但其實各位香港網友唔好開心住，我問了小米的市場部人員，這部機器在香港正式發售機會比較微，原因是網絡電視、音樂的版權成了攔路虎，大家近期不會見到小米電視黎香港啦。版主 Keith 也跟我講，小米電視未必合香港制式，就算買到水貨，都未必睇到高清台。網友有興趣一試嗎？嘿嘿，你地肯定有辦法買到。
採訪後 有野講：
膚淺玩機缺乏時間，玩到比人 ｢DICK」走
先講有咩唔滿意，我係傳媒試玩區第一批進場試機，傳媒區有四個小區，都係模擬客廳或者睡房。我當然打算試多少少，畢竟香港有很多對小米新產品有興趣的網 友，但人多緣故，我係裡面唔到 10 分鐘就比人請走了。老實講，小米手機產能低我理解為市場策略，但估唔到比傳媒現場試用都要限時，同埋得 4 部，當然可以選擇同成千米粉去公眾區排隊 ｢輪」機。我好多新野想試，我以為我首次做港外 IT 發佈會唔熟悉，但原來其他行家情況差唔多 ( 我只係小薯仔，有人另有關係渠道攞到機例外啦 )。
▲ 小米傳媒專區展示小米電視、以及小米 3 手機。
小米手機潛力大，力抗老牌大廠
這次有幸出席小米年度發佈會，我不是米粉，更從來沒用過任何小米手機，但也被小米的風格吸引。小米手機剛剛推出時候，大家都說是山寨貨，但到了今天發布的 小米 3 就看到，其實已經站在手機界的最高端了。無論從規格和或外型設計，還有最重要的價位水平，都跟其他國外大廠看齊，甚至超越了。不少人引用成龍一句：?中國 的會爆炸！」但事實係其他廠爆得更勁，做武器都得 ( BTW，小米 3 有部分會採用三星電池 )。二千、三千元價位的手機，我肯定會選擇小米 3，畢竟平民價錢、旗艦規格，根本就係?蔗渣的價錢，燒鵝的味道」(但我其實唔明中間有咩邏輯關係 XD~ )。希望小米香港會有實體店比一眾網友試玩啦。同埋發售貨量實在太少，很多有心網友想買都買不到，呢個我個人覺得係小米手機的唯一死穴。
▲ 上面提到的那張卡，憑卡兌換紅米手機一部！原來我誤會了，小米絕不小家，可惜翻到香港就 GSM ONLY。
![[獨家消息] 小米 3 香港開賣日期注意: 2 月底，3 月初](http://img.eprice.com.hk/img/news_hk/11573/large.jpg)
