R7 開箱配件一覽
R7 國際版顧名思義係大陸以外既地區發售，規格上採用 Qualcomm Snapdragon 615 1.5GHz 八核處理器、3GB RAM 和 16 GB ROM，支援最高 128GB MicroSD 卡擴充。OPPO R7 內建 2320 mAh 容量電池，但支援 Oppo 獨家的 VOOC 閃充功能，可以充電五分鐘可以打出兩小時電話、充電半小時就充到七成電量！ 過往實際使用話我知道，Oppo 既快充比較靠譜，最值得稱讚係個快充套裝係跟機送，唔使另外比錢買架！
▲ 開箱嚕！ R7 個盒好細，但有兩層，右邊係個殼，左邊先係盒。
▲ 同你 check check 配件先！ 隨機附送一個軟膠殼，開孔位包括降噪孔都 fit 嗮部機，摸落好舒服絕非街邊貨可比；附送既線控開放式耳機。
▲ 呢套就係 VOOC 閃充，你見到個 USB 插頭綠色，個變壓器輸出達到 5V / 4A，嚇死人！都可以放落其他機用，但就無左快充功能。效果係點？ 其實好耐之前已經測試過，大家可以黎呢度。
▲ 機身正面用 2.5D 玻璃，就咁睇真係好似 iPhone 6，有無網友有同感？下方位置係三天王，大家留意到 R7 開箱時候已經貼上了一塊芒貼。
R7 外觀金屬 + 玻璃質感高
採用一體成型金屬機身既 R7，機身僅有 6.3mm 厚，而我手上的版本是白+金色組合，另外也有銀+白色組合。金屬殼 + 弧度玻璃的配搭，讓 R7 質感大大提高，感覺很高貴。
▲ 5 吋屏幕色彩相當亮麗，但可能有網友接受唔到 AMOLED 屏幕
。
▲ 背面三設計簡潔，採用了一體成型機身，磨砂金屬非常舒服。但上下端位置我猜測並非純金屬，因為要留位比收發訊號天線之用。
▲ 機身作為左側是電源鍵、右側是音量鍵，反饋感清脆實在，是我玩過國產手機質感最好之一；右側有支援雙卡雙待既雙 SIM 卡槽，支援軟件 Auto Switch 自動切換 SIM 卡制式。
▲ 但個設計我覺得比較取巧，因為插晒 Micro + Nano 雙 SIM 後就無法用記憶卡，插記憶卡就無法用雙 SIM。而且金屬既卡槽竟然寫住 「此面朝屏」四個中文大字，購買了國際版既鬼佬們，又會唔會睇得明呢
？ 
▲ 機頂 3.5mm 耳機孔；底部是兼容標準 Micro-USB 既插口，用普通火牛或者數據線都可以的。
▲ 這個機背既符號也是我我不太喜歡的的地方，但對手感沒有影響；旁邊是一個喇叭口。
R7 屏幕清晰艷麗
正面配備一塊 5 吋 Full HD AMOLED 芒有大猩猩 3 代技術加持，色彩非常鮮豔，色彩上雖然有少許偏藍，但偏色的程度在一般使用上並無影響 ( 其實 R7 內置左護眼功能 )。呢個芒最令我驚訝係可視角度非常大，而 5 吋屏幕用上 1080p 解析度，細膩度有一定的保證。
▲ 面對鎢絲等燈直接照射，R7 的畫面內容仍然清晰可見，抗眩光能力很不錯。
▲ R7 不論在正面低角度還是側面低角度，可視角度都係非常好！
▲ 最後，我嘗試用光管直接射光落 R7 個芒，大家可以見到屏幕光位被局限，光面並無出現化開擴大，可見 R7 抗眩光能力屬於理想。
▲ 通常加映 HTC One M9+ (左) VS Oppo R7 (右)；
▲ R7 用上 Amoled 屏幕，色彩相對濃郁，飽和度比較高，而且色彩偏向紅。
R7 配 S615 性能檢閱
Oppo R7 性能上屬於中階機，因為處理器用左八核心既 S615，但就配左 3GB RAM。用上 S615 既機款有三星 既 A7，Sony 既 M4 Aqua 同 HTC 既 826 等等。究竟 R7 國際版跑分結果係點呢？
▲ 安兔兔分數係 28852 分，處於 S600 水平；網友們會見到可用 RAM 有 1.67GB 左右，基本操作都夠用。
▲ Basemark ES 2.0 Taiji 的圖像跑分係 36.17fps，一般遊戲都可以順利運行，但要流暢運行大型遊戲就有一定困難。有網友可能會覺得，呢個分數對比同樣採用 S615 既 Sony M4 Aqua 黎講偏低。因為 R7 係 FHD 芒，而後者係 720p 芒咋！
▲ 至於 Vellamo 各項分數：Chrome 瀏覽器是 2180；多核是 1113；金屬得分 997。 基本上與同其他 S615 機款相差無幾，分數合符預期。
Color OS 拍攝多玩法！
R7 國際版內置所有 Google 軟件，包括 Play Store 等服務。系統用上 Android 4.4.4，配合自家設計既 ColorOS v2.1，也就是沒有 App Drawer 既設計。R7 最吸引既地方在於相機，主鏡頭擁有 1300 萬像素，但玩法多多，可供選擇既模式多達 14 個！
▲ 呢個就係 R7 標準既界面，左邊係聽歌界面，中間自然係主頁面，右邊係一堆 App。出廠時都無咩奇怪 App 跟機，系統尚算輕巧。
▲ 呢個界面真心同 iOS 相機一模一樣！除了普通自動模式外，當然有埋呢排旗艦手機主打既手動模式，不論快門、感光度、曝光補償、白平衡同對焦都可以一一自行調教！
▲ 呢度有齊 14 個模式一覽，我下面會搵幾個有趣既黎玩，比效果圖大家參考下。
▲ 呢個係雙重曝光模式，影兩次後 R7 會幫你自動合成。
▲ 呢個係超級微距模式，會幫你自動放大畫面達到微距效果。
▲ 上面兩張分別係開左超級微距同未開時候，R7 取景上既分別。
R7 相片樣本
Oppo R7 擁有 1300 萬像素 Samsung 3M2 with ISOCELL 感光元件，其主相機鏡頭支援 F/2.2 光圈。雖然並非常見既 Sony 模組，但相片表現出乎我意料之外，色溫非常準確！ 我的體驗中，在室內複雜燈光中 R7 也可以完全準確地反映出現場色溫。唔係部部旗艦都可以係室內色溫還原中有咁高準確度既表現架！附上海量試相～
R7 開箱總結：
本來版主同我講，Oppo R7 國際版用 S615 處理器，效能並唔太勁，話我可能無興趣。但上手後卻顛覆我對 Oppo 所謂國產機既看法：金屬 + 玻璃機身處理展現出成熟既工藝掌握，雖然規格上看似屬於中階機，但整體上既「Finishing」完全可以話頂得住旗艦手機就質感！ 加上隨機送埋套、芒貼、同埋快充套裝，用台灣潮語「佛心」來形容可謂貼合不過。如果要我評價 Oppo R7 國際版，我會用「高質感中階機」黎形容佢。我認為從 R7 國際版既體驗中看得出，Oppo 嘗試在工藝和設計上造出突破，企圖脫離國產品牌一味追求性價比既大氣候。
其實 Oppo 國際版係文章發表時候做緊預訂優惠，隨機除了上面一堆配件外，仲送一隻 iLike Speed Metal Bluetooth Headset，而預訂售價係 $399 美金，約港幣 3112 元。另外提提大家，過往 OppoStyle 手機兩年保養，我檢查過個條款，好似改動左變一年保養。
大家覺得 Oppo R7 國際版會唔會係你杯茶呢？一齊分享討論下啦！
Oppo R7 國際版在文章發表時候，接受網上公開預訂，更多規格和詳情請參考這裡。
