OPPO Find N2 Flip 開箱評測
首先同大家做個開箱，OPPO Find N2 Flip 機身尺寸為 166.2 x 75.2 x 7.45，重量 191g，整體上比三星部 Galaxy Z Flip4 大啲，但佢擁有 4300mAh 電池，相比三星舊電都要大，所以雖然體積大少少，但換來更好嘅續航表現，其實都係幾值得。而外觀上另一個特色，就係除咗有 6.8 吋 AMOLED 2520x1080 解像度嘅 AMOLED 主屏幕，仲有 3.26 吋嘅直向式外屏幕，比起三星 Galaxy Z Flip4 嘅副屏幕都大好多，除咗更加方便自拍同埋有幾多嘅操作功能，同時亦令手機嘅辨識度大大提高。體積雖然比市面一般摺芒手機都大，但配合 OPPO 精緻嘅造工以及外觀設計，使用上並唔會有乜唔方便，而水滴式摺芒嘅結構，令手機折疊之後可以完全閉合，配合超大外屏，摺埋之後相當美觀。
而講完優點之後，都要講下缺點，就係手機懸停嘅角度係有限制，並無辦法做到任何角度懸停，呢點比起三星 Galaxy Z Flip4 嘅任意角度無斷懸停係有點受到限制。另外，Find N2 Flip 無防水，都係缺點之一。
▲ OPPO Find N2 Flip 包裝盒。
▲配件相當齊全，連手機上嘅內外屏幕都已經貼上保護膜，消費者唔需要額外再買配件，誠意十足。
▲裡外都有大螢幕，而且都是直立式的屏幕，操作起來特別符合使用邏輯。
▲ 轉軸具有特殊嘅紋理，在光線下唔同角度有唔同效果，但因為無防水，使用時如果手濕會比較擔心掂到轉軸位置。
▲因為水滴折疊結構設計，手機在闔蓋的時候，側面可以完全閉合。
▲Find N2 Flip 可懸停的程度與角度
▲按鍵位置跟三星的設計頗為相似而且同樣是電源鍵結合指紋辨識。
▲盒裝內硬殼套上後幾好睇。
▲SIM 卡槽為實體雙 SIM 卡設計，對於成日需要雙卡切換嘅使用者來說相對友善。
▲不得不說呢部手機設計係幾靚仔嘅。
▲ Find N2 Flip 屏幕摺痕明唔明顯？可以睇下。
▲6.8 吋大屏幕搭配唔明顯嘅摺痕，用來睇片效果唔錯。
▲摺芒手機好處係可以讓你當做腳架，就咁放喺枱面上使用，用來睇片或者是影相都很方便。
▲這款螢幕的可視角微弱一點，白色畫面下，視角偏了，螢幕就會有偏綠的狀況。
OPPO Find N2 Flip 副屏幕應用
OPPO Find N2 Flip 嘅副屏幕可以直接做到一啲快捷功能，例如相機、計時器、計數機、天氣等等，亦都可以快速瀏覽通知，不過有兩個地方可以改進，首先係原廠提供畀副屏幕可使用嘅小工具有限，自由度不足，限制咗副屏幕使用機會。同時副屏幕對於通知回覆功能有限，只可以用表情符號進行快速回覆，或者用已經預設好嘅回覆句子，進行快速回應。如果可以有方法可以更加自由咁打字回應，咁樣先令手機更加好用，唔會浪費咗佢呢個 3.26 吋嘅副屏莫月重難日木
▲大尺寸嘅副屏幕用嚟影相體驗不錯，只可惜現階段為屏幕提供嘅應用仲未夠多，希望未來可以開放更豐富嘅功能。
▲我們透過影片來介紹讓大家更能理解副屏幕的功能。
OPPO Find N2 Flip 性能跑分+續航評測
規格方面，OPPO Find N2 Flip 配備 MTK 天璣 9000+ 處理器，呢粒處理器性能強悍之餘，而且唔使擔心會有過熱問題，無論日常使用、影相甚至打機都可以輕鬆勝任。不過，雖然 MTK 天璣 9000+ 處理器性能係好勁，但使用嘅時候有啲地方會有少少唔順，例如開合屏幕動畫會跟唔上開合動作，甚至上下或左右滑屏幕嘅時候，有時會有無反應嘅情況。另外，切換超廣角鏡頭同埋一般鏡頭嘅時候，有時會有延遲情況，但呢啲都係可以透過軟件更新改善嘅問題，大家就拭目以待睇下 OPPO 之後會唔會針對呢啲小細節做出改善。以下，我哋就會透過 GeekBench、3D Mark、PCMark 等應用程式，為 OPPO Find N2 Flip 進行跑分測試，等大家有個概念，作個參考。
 |
 |
 |
 |
 |
 |
 |
▲系統操作感覺不順嘅測試影片。
而喺電池部分我哋覺得呢款手機無論喺充電速度以及續航力表現，都相當不錯。首先 OPPO Find N2 Flip 支持 44W 快速充電，規格上比三星摺芒機充電速度快快，而且實測結果亦都係好快，手機電量剩 5% 開始叉電，10 分鐘後已經有 25%，23 分鐘就叉到一半。去到 85% 會進入慢充狀態，以保護電池，最終用咗 1 小時就叉到 100%。
而續航部分，我哋透過連續播放高畫質嘅 YouTube 片做測試，測試條件係將屏幕亮度同音量 set 做 50% 左右，並將自動亮度、超高畫質增強、影片色彩增強功能關掉，同時將更新率調整為標準。連續播放一個鐘 YouTube 片，電量從 36% 下降至 29%，減咗 7%，換算返如果喺滿電情況下，手機可以連續播放 14.26 小時嘅 YouTube 影片，而且屏幕尺寸有 6.8 吋咁大，以摺芒手機嚟講表現相當出色。OPPO Find N2 Flip 具有 4300mAh 電，而且天璣 9000+ 本身都算慳電，兩者加乘之下，續航令人相當滿意。
▲啟動超級閃充的時候就會出現這個 SuperVOOC 44W 字樣。
 |
 |
 |
▲以摺芒手機嚟講續航表現不錯，可以連續播放 YouTube 高畫質影片 14 個小時以上。
