OPPO Find X8 Pro 開箱 + 外觀
雖然呢篇文章重點會係影相，不過無理由介紹一部手機，連佢咩硬件、咩樣，乜都唔講。所以首先都同大家做個簡單開箱。OPPO Find X8 Pro 跟機配件豐富，有手機保護殼、快充充電器、Type A to C 充電線、卡針、說明書等等，一應俱全，並已在手機屏幕上預先貼上保護貼。Find X8 Pro 定位旗艦，既有 5910mAh 大電池，支持 80W 無線充電以及 50W 無線充電，而且還有四個後置鏡頭，就這樣看上去，正常無理由係好輕，但偏偏佢只有 215g，比起 iPhone 16 Pro Max 嘅 227g 或者 S24 Ultra 嘅 232g 輕咗唔少，拎喺手上並無太大負擔。而手機設計上亦一改以往 Find X6、X7 風格，改為更簡約設計，不單重量減輕，其鏡頭模組設計亦變得更加薄，令手機整體感覺更加和諧，沒有突兀感，唔似一般採用 OREO 設計風格相機嘅旗艦手機咁，咁容易頂住食指，拎起嚟特別輕鬆舒服，值得加分。
▲ OPPO Find X8 Pro 包裝盒。
▲ 上手的是白色，有 16GB + 512GB。
▲ 跟機配件包括有充電火牛以及充電線。
▲ 跟機具有透明保護套。
▲今年的旗艦機螢幕邊框都很窄，Find X8 Pro 也不例外，幾乎四邊等寬的螢幕邊框帶來很好的視覺體驗。正面採用中央挖孔前鏡頭鏡頭設計，背面則以相對簡約的設計，第一眼沒有 Find X6、X7 的驚艷感與識別度，但卻更為耐看、典雅。
▲ 具有穿窿前置鏡頭設計。
▲ 機背具有四個後置鏡頭。
▲ 機背亦會見到有些像雲石般的紋理，但不算十分明顯誇張。
▲ 下方會有 OPPO 的字樣。
▲ 手機右側會有像 iPhone 16 系列一樣的相機快門鍵。
▲ 右側上方有電源鍵以及音量鍵，而這個角度亦可以見到，鏡頭並不會十分厚，相對其他同類設計的手機，更為和諧。
▲ 左側可以調整靜音模式以及響鈴模式。
▲ 底部有 Type C 充電插槽、SIM 卡槽以及喇叭。
OPPO Find X8 Pro 相機成像測試
今次我唔會同大家講乜嘢跑分，一部旗艦手機，講嚟講去咪係跑分又有幾高分，然後畀幾個跑分 App Show 畀大家睇性能，其實意義唔大，總之實質上使用，完全無問題，超級順暢，That's it！而相機我認為先係呢部手機重點，唔單止有哈蘇認證鏡頭，而且佢仲具有四個 5000 萬像素後置鏡頭，包括 1/2.75 吋感光元件嘅超廣角鏡頭、1/1.4 吋 F1.6 嘅廣角鏡頭，以及分別為 3X 以及 6X 的兩顆望遠鏡頭，其中 3 倍鏡頭採用咗 F2.6 光圈，配合 1/1.95 吋感光元件，而 6X 潛望式望遠鏡頭則是 F4.3 光圈，搭配 1/2.51 吋感光元件，相機嚟講算係應有盡有，相當高級。至於前置鏡頭部分，則具有 3200 萬像素。所有鏡頭都支持 4K 60fps 錄影能力，非常有旗艦手機的架勢。硬件上來看，稍微比較不足嘅係廣角主鏡頭感光元件略小，沒有跟上今年旗艦手機 1/1.3 吋等級，不過實際體驗之下發覺佢嘅相機仍然係好有實力，首先 OPPO Find X8 Pro 相機快門預測好快，可以明顯感受到抓拍能力超強，特別是拍一些可能會走來走去嘅小動物，或者室內環境都可以好容易拍出穩定相片。另外，呢部手機望遠拍攝能力，已經唔能夠用「出色」形容，而係「屈機」，搭配演算法加持，日間之下就算開到 60 倍都可以有令人滿意嘅畫質，而呢部手機夜間畫質表現亦比我預期好，夜間下就算開到 30 倍都係可用範圍內，完全唔會覺得失色感覺。
以下版主就會同大家分享一下，早前我去咗深圳大鵬灣影咗嘅靚相，我覺得真係真心好靚㗎！
▲ 首先畀大家睇下我嘅 Chok 照先 XD！喺完全無執相直出情況下，太陽準備落山都影到咁嘅效果，個人覺得幾出色！
15mm
23mm
48mm
73mm
135mm
2700mm
15mm
23mm
48mm
135mm
675mm
1350
2700mm更多 OPPO Find X8 Pro 成像
 |
 |
 |
 |
 |
 |
 |
 |
 |
 |
 |
 |
 |
 |
小結
帶着 OPPO Find X8 Pro 去大鵬灣，雖然確實個景係幾靚嘅，不過都要有部強勁相機配置加持嘅手機，先至可以拍下出色的相片，留下種種回憶。而 Find X8 Pro 可以算是我 2024 年試過，影相覺得最為屈機的智能手機，而且續航能力很強，雖然文章中沒有提及，但我去拍攝一整天，也完全綽綽有餘，毋需尿袋已經夠用一日。以旗艦手機來說，再配合舒服手感，我覺得呢部 Find X8 Pro 你絕對值得擁有，而且價錢也算實惠，建議零售價 $7299 就買到，網友又怎樣看呢？按這裡有 OPPO Find X8 Pro 詳細規格及最新賣價