輕薄時尚設計：防水耐用兼備
OPPO Reno13 F 手機重量只有 192g，厚度 7.76mm，採用咗 6.67 吋 FHD+ OLED 屏幕，支持 120Hz 更新率，適合單手操作，採用咗創新觀影紋理設計，石墨灰呈現霧面磨砂質感，薄霧紫則有蝶影效果，時尚又吸睛。耐用性方面，Reno13 F 通過 IP69、IP68 同 IP66 三重防水防塵認證，可以喺 1.5 米水深浸泡 30 分鐘，仲可以抵受 80°C 高溫水清洗，甚至支援水下相機模式！手機仲用咗「神盾」耐用結構，配合海綿仿生緩震技術，加強防摔防撞能力，唔怕唔小心跌落。
OPPO Reno13 F 硬件規格 + AI 相機功能
性能方面，Reno13 F 配備 Qualcomm Snapdragon® 6 Gen 1 處理器，內置 12GB RAM 同 256GB ROM。電池容量高達 5800mAh，支援 45W 超級快充。而相機方面，Reno13 F 具有後置三鏡頭組合，包括 5000 萬像素主鏡頭（f/1.8，OIS 光學防震，自動對焦）、800 萬像素超廣角（f/2.2）同 200 萬像素微距（f/2.4）。前置鏡頭則為 3200 萬像素（f/2.4）。同時，Reno13 F 嘅 AI 影像技術亦都係手機賣點之一，配備咗以下嘅功能：
- AI Live Photo：將相片變成動態回憶，仲可以輕鬆分享俾 iPhone 或其他裝置，記錄生活更生動。
- AI 超高解析度：提升低質素相片清晰度，即使放大或裁剪都唔會失真，細節保留得宜。
- AI 去反射/去模糊：幫你去除玻璃反光同運動模糊，影出更清晰嘅相片。
- AI 動態生成：將靜態相片變成動態影片，創意無限，適合愛玩社交媒體嘅你。
內置更多 AI 功能
除咗喺影像技術方面用到 AI，OPPO Reno13 F 仲具有更多 AI 功能，可以幫到用家處理日常生活以及工作，包括：- 熒幕翻譯：實時翻譯多種語言文字，旅行或睇外文網頁超方便。
- AI 文字生成同文章摘要：快速潤飾文字或總結長篇內容，寫作效率大提升。
- 語音錄音摘要：自動整理會議或講課重點，幫你節省時間。