支持 120Hz 屏幕 + 300% 喇叭音量，影音體驗不錯
OPPO A5 Pro 配備 6.67 吋 HD LCD 屏幕，支援 120Hz 智能刷新率，會根據使用場景自動切換至 90Hz 或 60Hz，流暢得嚟又慳電。屏幕最高亮度達 1000nit，即使喺陽光直射下都睇得清清楚楚。同時，手機配備專業級立體雙揚聲器系統，音量可達 300% 震撼效果，配合左右聲道分離技術，玩遊戲同睇片好似置身現場。仲有 200% 超級聽筒模式，喺嘈雜環境通話都無問題。
支持軍規防護，防撞 + 防水，可水下拍攝
OPPO A5 Pro 嘅耐用性，係佢嘅賣點之一，升級二強玻璃，抗摔能力比普通玻璃高 160%，仲有 AM04 高強度鋁合金框架，通過 1000 次抗彎折測試，相當堅固。內部仲有海綿仿生緩震系統，保護每個零件，達到軍規級抗衝擊標準（MIL-STD 810H），唔怕唔小心跌落地。防水方面，A5 Pro 通過 IP69 認證，可以喺 1.5 米水深浸泡 30 分鐘，仲可以抵受 80°C 高溫水清洗。獨創嘅裸機水下攝影模式，唔使防水套，淨係用音量鍵就可以喺水底影相同錄影。配備 6nm 處理器 + 5800mAh 大電
其他規格方面，A5 Pro 配備 MediaTek Dimensity 6300 處理器（6nm 製程），內置 8GB RAM 同 256GB ROM，支持 AI GameBoost 同 VC 冷卻技術，玩大型遊戲都唔會過熱，性能穩定。電池容量高達 5800mAh，支援 45W 超級閃充，官方數據顯示 35 分鐘可充至 50%，續航力夠晒一日重度使用。新一代電池技術仲提升咗循環充電次數，官方聲稱 4 年後電池容量仍可保持 80%，手機壽命更長。相機方面，A5 Pro 具有後置雙鏡頭組合，包括 5000 萬像素主鏡頭同 200 萬像素景深鏡頭，並具有前置 800 萬像素自拍鏡頭，日常影相、掃 QR Code 同視像通話都好夠用。最特別係水下攝影功能，支援多角度錄影，喺水底都可以影到靚相同短片，玩味同實用性兼得。