中階價錢都影到靚夜景？
說的是 vivo Y78 5G，好多時候見到 Y 系列，都會令人有個主觀印象，就係 cheap 機，平價機通常都唔會有乜好出眾嘅賣點，多數係講緊有大電，有唔知幾多個鏡頭，但好少會 sell 到影相質素都好勁好唔錯。而今次呢部 Y78 5G，其中一個賣點就係 sell「超清晰高質夜攝與防震體驗」、「絕對解決夜攝煩惱」！Y78 5G 的相機用上了雙鏡頭設計，分別為 64MP 超清像素主鏡頭，以及 2MP 人像虛化鏡頭及超微距鏡頭，後置的雙鏡頭支持 OIS+EIS 光學防震，配合 vivo 超級夜景演算法等功能，可以穩定地執行每秒高達 10000 次計算和移動，提供流暢、穩定和清晰嘅畫面，將清晰度提升，令夜景拍攝減少雜訊，更明亮。在戶外暗黑環境下，只使用超級夜景模式，連續拍攝幾張相片並經過影像處理技術，自動辨別場景，還原高光、色彩、亮度。另外，Y78 5G 亦有 16MP 高清美顏前置鏡頭。
影人像都好出色？
另外，除咗夜拍正，喺人像攝影方面都號稱有唔錯表現，透過人像處理及光斑人像虛化兩大人像演算法，可以柔化皮膚、去除瑕疵等調整，並具有美顏效果，在自拍時無需擔心妝容問題。而光斑人像虛化算法，可以模擬相機鏡頭嘅光斑效果。
5000mAh 大電 + 44W 快速充電！1 個鐘就叉滿電
其他規格方面，vivo Y78 5G 擁有 6.78 吋 3D 雙曲面屏幕，係 Y 系列首部用上 3D 雙曲面屏幕嘅手機，厚度只有 7.89mm，而重量則為 177g，並支持 120Hz 屏幕刷新率。同時，手機配備 6nm 制程的 S695 處理器，內置 8GB + 8GB RAM 以及 256GB ROM，配合 HyperEngine 3.0 技術，強化遊戲引擎，提升用家遊戲體驗。電池容量方面，Y78 5G 內置 5000mAh 電池，支持 44W 快速充電，大約 1 小時可以充電至 100%。最後價錢部分，vivo Y78 具有金、黑兩款顏色，建議零售價為 $2598，現已正式有售。
