001: 雙子星鏡頭金屬邊框，設計有 Taste！
其他殺手鐧先唔講，先從外觀講起，我會話 vivo V40 5G 個外觀設計，真係「好靚仔」，有 Taste！今次推出有兩種顏色，分別為灰銀色同埋桃色，其中灰銀色係用上AG螢石工藝，機背擁有霧面磨砂質感，而桃色更極具特色看似粉紅色嘅設計，加上機背帶有流沙嘅閃爍效果，而手機亦相當輕薄，只有 7.58mm 厚度，而重量亦僅 190g，無論係就咁肉眼睇，定係拎上手細味，都完全唔覺得佢係一部中階手機，反而覺得似係一部旗艦級數嘅手機，相當有格調。
002: IP68 &69 防水防塵 機身硬淨更耐用
vivo V40 5G 唔單止外觀出眾，仲係一部相當耐用嘅智能手機。相信每個人都希望一部手機可以用到比較長嘅時間，唔想用手機嘅時候「就住就住」，但有時意外在所難免，V40 5G 正正可以滿足到堅固耐用嘅要求！佢升級咗磐石緩振結構結，螢幕採用Schott Xensation α 玻璃保護及機身以鋁合金材質打造，大幅提升抗摔能力，而側框嘅厚度雖然只得2.94mm，但抗摔能力比上一代的V30大幅提升129%，保護手機免受任何角度嘅碰撞同埋撞擊，並且經過咗 70 幾項嚴格測試，確保手機夠哂可靠。佢同時仲具備IP68 &69 防水防塵性能，除咗可以做到1.5米水深30分鐘浸泡外，仲可以防止80 °熱水滲透，真正做到「Yｏ！熱水咋嘛，使乜驚呀！」003: 中階價錢，旗艦級手機鏡頭質素
講完基本表面嘢，直接入正題，就係 vivo V40 5G 嘅殺手鐧，當然係佢嘅相機！V40 5G 係香港 vivo 首次喺中階Ｖ系列用上蔡司影像系統嘅手機，以往喺旗艦手機上就用得多，今次連中階價位嘅手機，都一樣有蔡司光學鏡頭，相信有唔少人都好想知道，到底佢係唔係一樣可以有好表現。而小編試過，畀大家睇成像之前，都可以歸納以下 3 大評價：⭕蔡司全主攝鏡頭， 無論係主攝鏡頭、超廣角鏡頭，抑或係自拍鏡頭，都有 5000 萬像素，拍照時可以保留更多細節，順帶一提，手機預設嘅24個瞼部特美顏效果徵調亦都係相當出色，可以即時將小編最美一面拍下，唔需要後製已經可以直出分享畀朋友。
⭕ 手機內置咗 7種蔡司鏡頭風格，令拍攝出嚟嘅人像照，配合背景嘅燈光帶來唔同風格嘅成像效果，例如蔡司Biotar風格虛化、蔡司Sonnar風格虛化、蔡司Planar風格虛化等等。而「蔡司多焦段人像」更支援 24mm 風景人像、35mm 街頭人像以及 50mm 經典人像三種焦段，可以按照現場環境以及個人喜好，彷彿同時擁有三個專業定焦鏡頭，快速切換唔同適合拍攝人像嘅焦段。
⭕ 日拍夜拍實力都好強，尤其是影人像，配合V40 5G引以為傲嘅AI 3D柔光人像系統，透過智慧色溫調節功能，自動調節1800K-5000K的色溫補光及亮度，令拍攝對象與環境融為一體，重有3D 識別面部光線技術，令手機可以適合喺唔同環境下拍攝，影出嚟成像效果真係令我讚不絕口，令我好有衝動立即 post 上 Facebook / IG 呃 Like！
以下係小編用 vivo V40 5G 影出嚟嘅成像，畀大家參考一下：
7 種唔同風格嘅虛化效果
日拍效果 (景物)
夜拍效果 (景物)
無柔光燈 VS 有柔光燈
其他人像效果
004: 個個都講 AI，佢都有呢個 AI 功能！
個個品牌近年都大力 sell AI，吹到佢哋部手機 AI 可以做到呢樣，做到嗰樣，但老老實實，有幾多佢哋大力吹噓嘅 AI 功能，你實際真係成日用到？而 vivo V40 5G 雖然唔係有好豐富嘅 AI 功能，但貴精不貴多，唔係多就有用，用得着先叫真正有用。講到最容易用得着嘅 AI 功能，當然係同執相有關，尤其是你平時如果去旅行影相，好容易會將身邊嘅路人影埋入去，透過 vivo「AI 擦除功能」，AI會自動生成返空缺嘅部分出嚟，就可以好 perfect 咁將多餘嘅人或物清除，整體出嚟嘅效果都算係相當自然、無瑕疵。
005: 5500mAh 超大容量藍海電池 旅行影相唔驚無電
vivo V40 5G 另一個令我覺得好深刻印象嘅，係佢續航能力真係好強。就喺小編撰寫呢篇文章嘅前一日，匆匆忙忙叉電到大約下午 3 點左右，當時電量都無叉滿，只係得大約 70% 左右，然後大概 4 點至 5 點多，我就去咗大埔三門仔度瘋狂自拍影相打卡，之後就約咗朋友夜晚再去荃灣海旁影相，而呢部手機我仲有連結咗主機個 whatsApp，即係我有用佢嚟 send message、send 相等等，全程都算係中度使用，平時如果你去旅行中意影開相就知，當你不斷使用相機影相 post 嘢嘅時候，手機會無電得特別快，然而我完成咗大半天嘅行程，然後待機到第二日嘅下午 6 點25 分，我部 V40 居然仍然有 36% 電，其實已經實在非常難得！市場小有可以做到咁輕薄機身但又同時做到咁大電量。而且呢 36%，系統仲預測可以用到 1 日 4 小時，其他品牌唔敢講，但你試下搵部「世界第一」手機，36% 電用唔用到咁耐？答案係肯定唔夠 3 個鐘就要用尿袋叉電。
 |
 |
睇完以上 5 大賣點，唔知又吸唔吸引到你入手呢？我覺得其他唔講，淨係喺相機部分，vivo V40 5G 配合喺同價位手機人像拍攝方面已經超哂班，可以話係去旅行打卡影相嘅平民恩物，中價位平玩蔡司鏡頭，而且電池續航又襟玩，係一個非常唔錯嘅選擇！小編玩完呢部手機，真心覺得：讚！你仲唔快啲去入返部四圍影相打卡？
資料由客戶提供
