$3,000 港幣買 S801 手機！用性價比搶市場？！
講到 Oppo 手機的一個吸引之處，除了因為有不錯的性價比之外，亦因為他們與 CynogenMod 合作，之前推出的 Oppo N1 亦有 CM Rom 版本，對於不習慣使用「大陸Rom」的朋友來說是一個好消息。今過 OnePlus 他們有所不同，即將發佈的 OnePlus One 就會以 CM 作為原生的 ROM ，手機的規格方面，暫時知道會有 5.5 吋的 1920 x 1080 FHD 屏幕、Qualcomm S801 四核處理器（時脈未明）、1300 萬像素的 Sony Exmor 鏡頭和 3100mAh 大電池，聽說底蓋也是可以更換，咁睇可以換電既機會相當高？版主這一年間都玩了不少大陸品牌的手機，最近的 ViVo Xplay 3s 開始支援到本地的 4G LTE ，就算和大廠旗艦比規格也毫不遜色，要講就係介面方面唔好用，同埋原生太多「瘀血」的問題啦，如果 OnePlus 真係打算係香港推出，應該會預載很乾淨的原裝 CM 吧。他們在 Twitter 暗示這部機將會登陸香港，而且價錢是 $3,000 樓下！大家認呢個價吸唔吸引呢？他們說真機的樣子比起 Xperia Z 小，那麼邊框應該就會超級窄？我們等多 10 天就可以見到了！
