打爆舊機換 OnePlus One！一切靠抽獎＋朋友＝ 唔使搶？
之前版主 Keith 都同大家交待過，想第一時買 OnePlus One 手機的話要參加一個叫 Smash the Past 的遊戲，首先要進入 //oneplus.net/smash 去登記，因為不是鬥快所以唔需要去搶，而這次的活動是「全球性」所以上次 OnePlus 宣佈的 100 個名額係由首批 16 個國家平分，咁抽中的機會有幾多大家都心裡有數吧！如果真係咁好彩被抽到，就可以用 $1 美金（約 $7.8 港幣）去買一部 OnePlus One （代價是打爆現有的手機） ，亦會得到 3 個名額可以邀請朋友以正價買機。代表全球版的 OnePlus One 第一批只有 400 部！除左可以用 $1 美金平價買機之外，100 位被抽中的幸運兒（官方寫 Lucky Applicants ，應該是隨機抽）係可以係 5 月頭就入手 OnePlus One ，而被邀請的「朋友」就要等到 5 月底，早買早享受麻，大家都懂的。
有網友話上網淘部手機出黎當完成 Smash the Past ，根據佢地既遊戲規則咁樣其實唔得。因為佢地有指定既手機型號（最平既可能係二手 Lumia 920/ Galaxy S3 ，二手 $1,000 鬆少少），亦要拍一段片放上 Youtube 分享 ，裡面要有用家既自我介紹，要展示到手上部機仲係正常運作到，當然最重要就係狠狠打爆手機既震撼一幕！當然，唔捨得打爆自己部手機既都唔緊要，因為之後係 OnePlus One Forum 、Facebook / Google + 同埋其他媒體都會有機會送出更多邀請，相關活動時間就由 5 月尾開始，唔心急入手既其實都可以等等。
最後要提一提，這個活動是有年齡限制，最少要夠 18 歲先可以參加，學生網友們要想想辨法啦。睇落個過程好似好麻煩，其實又係一個幸運大抽獎，估計機會率好低，你地又會唔會入去博一博？
▲以為可以淘寶求其買部機就可以過到骨？ OnePlus One 有一定既機種要求，睇一睇，全部是別廠旗艦機，你會咁做嗎？
▲ 5 月 3 號就會收到結果，抽到的網友要上來 ePrice 報一報喜啊！
在文章發佈的時侯，OnePlus One 國際版的售價及發售機制如下:
16GB ROM 白色版本售價為 HK$2,59964GB ROM 黑色版本售價為 HK$2,999
由 4 月 25 日，首一百部 OnePlus One 手機，用家要透過 //www.oneplus.net/smash 申請。抽中獎的一百名幸運兒，可以用 US$1 購入 OnePlus One 手機 (同時需要打爛現有的手機) , 並擁有名額推介朋友以原價購買。
按此看 OnePlus One 國際版本詳細規格和最新賣價。
