睇睇 OnePlus 2 外觀
如果你問我，我會覺得 OnePlus 2 既外形同 Oppo Find 7 好相似，只不過加入了指紋識別其，背面也只是第一代既小修改版，將鏡頭位置向中央靠攏，並無太大既突破。但版主 Lawrence 話 OP2 質感上其實有分別的：
▲ OP2 正面擁有一塊 5.5 吋 IPS-NEO 既 FHD 屏幕，號稱係全球最通透既屏幕，究竟點為止最通透？ 小弟真心看不透～ 但官方數據告訴大家 OP2 達到 600 nits，可是角度達到 178 度！
▲ 機身左邊係菱角紋路既按鍵，同 iPhone 勿擾鍵類似，但就有三段式設計：全通知、優先通知、不通知；
▲ 而右邊係電源鍵和音量鍵。
▲ 背蓋有五個選擇，包括、砂岩黑，竹、黑杏、酸枝和 Kevlar，OP2 會偵測不同後蓋，從而改變不同界面主題風格，呢個設計幾有趣。
▲ OP2 正面既最大特徵相信係下方的一個指紋識別器，唔可以實體按下去，功能設計同 HTC 旗艦一樣，但可以自定雙擊、長按功能！左右兩邊有多工感應按鍵同返回鍵。
▲ 主鏡頭採用 模組，1300 萬像素 F/2.0 大光圈 OIS 鏡頭，，官方號稱可以「PK一切手機」，包括 iPhone 6S 和 三星 S6 ( 咁G4 呢？)，咁威威豬？ OP2 鏡頭附近會見到同 LG 旗艦同樣原理既激光對焦，同埋雙色 LED 燈。
▲ 底部採用了 Type-C USB 接口
睇睇 OnePlus 兩代設計比較
到了兩代外觀對比時間：黑色是 OnePlus 2；白色是 Oneplus One，究竟改變係邊度呢？我地一齊望下！
兩代屏幕表現
還記得第一代 OnePlus 賣街既時候，好多網友反映屏幕好黃，屢次要求換貨。版主 Lawrence 現場對比兩代屏幕，卻發現 OP2 既屏幕有以下既表現：
▲ 左邊係 OP2；右邊係 OPO，係咪覺得二代個芒黃少少？
▲ 左邊係 OP2；右邊係 OPO，呢個圖片可以見到，二代真係比較黃！ 究竟係咩原因呢？ 係咪又係因為剛剛出廠導致膠水未完全磨合所致呢？ 呢個就唔清楚。
簡單跑分情況
首先必須說明，香港賣既係國際版，軟件調教同大陸版不同，所以跑分既結果大家參考下就算。OP2 在安兔兔和 Basemark ES Taiji 2.0 的跑分都符合 S810 處理器水平。 如果我們收到國際版 OP2，會為大家做更詳細既測試。
▲ 跑分後溫度維持在 50 度內，並沒有太大的發熱情況，可能因為在冷氣室內。
香港發售情況
據現場了解，香港將會係首批發售既地區之一，價格當然跟國際版啦，定價為港幣 2399 元起。
▲ 國際版既 OP2 首發地區列表，但我找不到香港旗，打漏左？
現場試玩既都係大陸版 OP2，但香港版係國際版，系統軟件方面會同大陸版本有好大唔同。網友們記住要緊貼 ePriceHK，繼續為大家帶來更多相關既資訊情報！
閱讀更多相關文章：
4GB RAM! OnePlus 2 國際版 二千三入手
兩代外形比拼！ 版主為你北京現場揸揸 OnePlus 2
睇曬全相囉！OnePlus2 未發佈先上手，外型造功你點睇？
728 發佈！ OnePlus 2 五大重點集合，一齊講心水價位係幾錢
