上手感覺
由一個紅色盒包裝嘅 OnePlus 2，未開盒會令人期待的，始終市場上用紅色盒包裝嘅手機唔算好多，呢份 Sharp 鮮嘅感覺好好。開盒了，裡面嘅配件就係手機、一條足一米嘅 Type C USB 線及充電器一個。One Plus 2 本身是一部 5.5 吋芒嘅手機，唔算窄邊框，亦唔係好薄身，更加唔算好輕身，以重量來講，比起同期嘅 HTC One E9+ 與 LG G4 都要重，厚度則與 G4 相約，比不上 E9+。簡單來說，都很重手。機身非金屬材質，主打背蓋，原裝的背照磨砂黑色，版主最愛呢隻款，因為砂紙感覺很有 Feel。OnePlus 安排了其他款式背蓋供試用及拍攝，都是睇上來好型，摸上去都係一片膠，我就唔多 LIke。試嘅時間唔多，立即來過跑分。老實說成績十分好，以 Antutu 為例，去到 5 萬 8 千分嘅成績，算係 S810 CPU 裡比較好嘅一款。當然，大家會問，熱唔熱。就係因為部機比較厚，加上可以更換嘅機背蓋，而機蓋亦唔算好薄身，當跑分時，版主發覺發熱地方集中在機背上半部份，仲要你專登感受才 Feel 到。尤其我用嘅係磨砂黑色，只可以用要好留意才感覺佢熱來形容。
屏幕呢？OnePlus 2 採用 IPS 屏幕，但只有 Full HD 1080p 解像度，版主專登找來 2K 解像度 Display 嘅 LG G4 跟佢比一比，版主覺得 OnePlus 2 屏幕光度不及 LG G4，但顏色嘅表達，兩款手機係好類似。若果你覺得 LG G4 屏幕係靚，OnePlus 2 可以用同級來形容。
開箱圖集
▲ 一盒，一機，一充，一條線。耳機呢？
▲ 版主覺得 OnePlus 手機設計，以穩重為主，原創味道係大陸品牌手機來講叫做重了，只少唔係抄 iPhone。
▲ 鏡頭唔係突出來？其實係成個相機模組都唔係平嘅。留意用了雙色 LED 補光燈。
▲ 前鏡有五百萬像素，而機下面粒掣係指紋認證按鍵，不能直接按入去。操作跟 HTC One ME 與 M9+ 相約，輕輕一按，可以一按解鎖，係大陸嘅「氫OS」上面，亦具有 Back 與 Home 嘅功能。兩側其實有 Back 與 Menu 嘅熱感掣。
▲ OnePlus 2 嘅厚度唔算薄，接近 10mm。
▲ 同樣是 5.5 吋屏幕 LG G4 (左) 比起 OnePlus 2 來得細一些。
▲ 不同背蓋選擇，但說實一句只係顏色不同，本身都係膠來嘅。
▲ 中國大陸版就跟兩腳火牛。細看之下，支援 2V/5V 輸出。雖然用上 S810 CPU ，但改用了 USB Type C，OnePlus 2 係唔支援 QC2.0 快充功能。
▲ USB Type C 好處係兩邊上下是可以掉轉，但機身插口部份，係唔支援舊制式，但充電器或電腦部份就支援插頭。簡單來說，若你打算用 OnePlus 2，係要連 USB 線都要轉埋一份。
▲ OnePlus 送的線足一半長，亦有不錯的接扣安排。
屏幕體驗
▲ OnePlus 2 嘅屏幕可視角度十分好。打到咁側都見得清楚，白色部份亦沒有變黃。
▲ 找夾 OnePlus 2 (上) 與 LG G4 (下) 屏幕比拼，都係調至最光。LG G4 光度係比 OnePlus 2 好。
▲ 左係 OnePlus 2 嘅屏幕，右係 LG G4 嘅屏幕，版主會覺得效果不相伯仲。
即 Check 跑分與發熱情況
▲ 版主係一間冷氣約為 24 度環境下，關機再開再跑分，AnTuTu 可以得出 5 萬 8 千分嘅成績。係 S810 CPU 手機裡，係十分出色。代表整體效能係十分唔錯。(測試為 4GB RAM , 64GB ROM 版本)
▲ 之後再關機，再跑分，去到呢個畫面.....
▲ 版主立即跳至 CPU-Z，Thermal 部份，最高溫度嘅 Sensor 大約 62 度，但一般也是五十度接近。
▲ Basemark ES 2.0 用來測試手機玩 3D 遊戲時嘅情況，得份 59.99fps 滿分為 60fps，即係就算打 3D 遊戲，都難唔到佢。
▲ Vellamo 三個跑分，以測試用 Chrome 瀏覽器上網效果嘅 HTML5，分數最好，其至是對比排行榜嘅首位。可見用 OnePlus 2 上網睇資料應該好順。
簡單嘅開箱睇完！時間有限，我交由其他版主試相機、電量部份。由於這版本不是 OxygenOS，亦未有方法將佢專為 OxygenOS，日常嘅使用，要留待稍後才能分享了。大家睇完初部嘅寫真、跑分，屏幕，又想唔想入手 OnePlus 2? 如果你想買，會入手國際版定中國大陸版？齊齊講下。
OnePlus 2 係文章上刊時，國際版未正式開賣，售價為 16GB ROM / 3GB $2399、64GB ROM / 4GB RAM $2799。按這裡有更詳細規格及最新賣價。
