OnePlus 2 大陸版抵港！可以刷成 OxygenOS 兼做到中港 3/4G
跟據官方的新聞稿所講 OnePlus 2 係香港係 8 月 11 號先開賣，但係大陸其實早幾日已經賣左第一批約三萬部的存貨，官方微博更指出只係花費 64 秒就賣清光。據引入左大陸版 OnePlus 2 的深水埗細鋪所講，而家呢部手機的貨量其實都算多，不過因為係第一批來貨的關係，都仲係要貴少少，約 2600 人仔左右，預計係第二輪貨到左之後價錢都會平一百蚊啦。另外，如果睇返 OnePlus 官網所提供的規格列表，其實大陸版同香港將會推出的國際版 OnePlus 2 除左用上不同的 Rom 之外，係手機支援頻段上都係有不同的。大陸版的 OnePlus 2 係 FDD LTE 的支援頻段上比較少，但都有香港用緊的 B3 (1800) 以及 B7 (2600) ，同時間支持大陸的 3G TD-SCDMA 1900 以及 2100 ，係一部 5 模 17 頻機種。而香港 OnePlus 官網就提到係香港會推出的 OnePlus 2 雖然支援的 FDD LTE 頻段更多，好似係香港都會用到的 B8 (900) 都支援。但另一方面就缺少左對 TD-SCDMA 的支援了。係價錢上， OnePlus2 水貨而家賣價大約係 4GB RAM 版本 $3480 左右，價錢上大家又覺得點呢？
▲ 係深水埗入左 OnePlus2 的鋪頭都唔少，但係目前都只有「砂岩黑」版本，其他機背好似竹版就未有。
做唔做到全港最平的 S810 手機？ OnePlus 2 力拼 LG 小米 Nubia
見到水貨價而家做緊 $3480 左右相信大家都知道而家 OnePlus2 不會是目前最平的 S810 手機啦，但如果以定價 3GB RAM 版 $2399 以及 4GB RAM 版 $2799 來計的話，又會否做到最平 S810 手機呢？只計行貨來講相信唔會有問題，但係計埋水機就唔同講法了。雖然而家不少大陸 S810 水機都仲係賣緊三字頭，好似係 Nubia 的 Z9 Max 以及小米的 小米 Note 頂配版，前者而家都仲要 $3100 而後者都仲要 $3550 左右，不過大家千萬不要忘記「傳奇級」的 LG 旗艦機 G Flex 2 啊！ G Flex 2 而家係大鋪做緊的機價仲係 $3998 ，但係水機價就真係跌極都有。近日先達做緊的 G Flex 2 水機價位已經到左 $2280 ，而場內行貨價就要 $2780 左右，照咁睇跌落千元價位實在不是夢！唔知大家又覺得甚麼手機有機會做到下半年度的「性價比皇者」呢？一齊來講講啦！
▲ 除左頂配版之外，小米 Note 64GB 水機版而家都仲可以買到。
▲ 至於 G Flex 2 ，版主相當看好呢部機的前景（係再跌價方面）
。在文章發佈時， OnePlus2 16GB 版本仍未正式開賣，按此可看詳細規格及最新賣價。
在文章發佈時， OnePlus2 64GB 版本仍未正式開賣，按此可看詳細規格及最新賣價。
