外型、相機比拼 iPhone 7 Plus！OnePlus 5 版主開箱 + 評測

左定坤 (Cho Ting Kwan) 2017-06-21 18:14 | Oneplus

S835 旗艦機皇 OnePlus 5，就在今日凌晨時份，已經正式發表。不單止最高配備 8GB RAM + 128GB ROM，價錢部份亦都算是合理，完完全全地把小米 6 比下去了。不過，如果比較番舊代 OnePlus 3，OnePlus 5 的吸引力似乎大不如前，外型抄足 iPhone 7 Plus 之餘，有不少網友會覺得，又無 2k 芒，再加上無防水防塵以及無得插 microSD 咭，未能徹底考慮真正用家需求喎~同大家簡單分享過 OnePlus 5 外型圖賞，而家版主終於收到實機，可以為大家做個開箱評測，並且可以真正講下版主個人對呢部 OnePlus 5 的感覺。睇下文啦！

OnePlus 5(Facebook）.jpg

開箱！OnePlus 5 上手！弧形機背手感相比 iPhone 7 Plus 佳？

未有真機之前，只能單靠外媒所拍的照片，了解 OnePlus 5 的外型，但手感實際係點，版主無法憑空想像，實在無從考究。不過而家 OnePlus 5 真機終於送到版主手上，除左可以親眼見證着 iPhone 7 Plus 一般的機背，版主上手後覺得，同是 5.5 吋屏幕，但 OnePlus 5 機身比起 iPhone 7 Plus 還要細小，而且機身相對較窄，配合弧形的機背，對手細的版主來說，會覺得手感舒服過 iPhone 7 Plus。不過，外型抄 iPhone 7 Plus 抄得咁似，某程度上大大影響網友想買 OnePlus 5 的意慾。你認為呢？

▲ 版主今日收到 OnePlus 5，係俾媒體先咁大個盒，如果唔係，正常只是一個普通的白色細包裝盒。

▲ 一撕開就無得關番埋。

▲ 打開會見到有兩格，一架係放 OnePlus 5 的包裝盒，另一個係提供俾媒體的四款保護殼。

▲ 四款保護殼係咁嘅樣子。

▲ 包裝盒底部會顯示，我手上的是 128GB 版本黑色的 OnePlus 5。

▲ 包裝盒內隨機會附有 SIM 咭針、火牛、Type-C 線以及說明書。

▲ 火牛支持 DASH Charge 快速充電，最高輸出達 5V / 4A，即係功率有 20W，不過唔方便嘅係，要用佢原廠火牛，先可以有呢個充電的速度，所以唔可以唔見之餘，出街要帶埋火牛，先可以叉電叉得快。

▲ OnePlus 5 配備了 5.5 吋 1080p AMOLED 顯示屏。

▲ 屏幕上方會有 1600 萬像素前置鏡頭。

▲ 而屏幕下方則有前置指紋辨識鍵，官方表示可以支持 0.2 秒解鎖。

▲ 黑色的機背，雙鏡頭設計跟 iPhone 7 Plus 上的非常相似，而閃光燈的位置亦都一樣。不過可以留意到的是，OnePlus 5 的機背相對 iPhone 7 Plus 弧度更大。

▲ 右側會有開關鍵以及 SIM 卡插槽。

▲ 左側除左會有三段式開關，還有音量鍵。

▲ 機底會有喇叭、Type-C 插槽以及 3.5mm 耳機孔。

▲ 同 iPhone 7 Plus 相比，雖然大家都係有 5.5 吋屏幕，不過 OnePlus 5 的機身體積相比 iPhone 7 Plus 細不少。

▲ OnePlus 5 的機身厚度有 7.25mm，是目前最薄的 OnePlus 旗艦機，比 iPhone 7 Plus 略薄，但不太明顯。

▲ 機背睇兩部機好相似，不過 OnePlus 5 雙鏡頭沒有 iPhone 7 Plus 那麼凸。

▲ 可能機身又窄左，加上機背比較弧形的關係，對於手細的版主來說，似乎相比 iPhone 7 Plus 手感還要好。

8GB RAM + 128GB！S835 旗艦 OnePlus 5，效能如何？

版主手上呢部 OnePlus 5，是 8GB RAM + 128GB ROM 的版本，預載了 OxygenOS 4.5.0，將佢升級至最新 OxygenOS 4.5.1 後，再利用一系列的跑分軟件，例如 Antutu、3D Mark、PC Mark 等等，測試一下呢部 OnePlus 5 的效能。成績係點，下圖會直接同大家講，不過今朝 XDA-Developers 就踢爆 OnePlus 5 跑分造假，版主試到呢個成績，又是否信得過呢？信不信，由你決定！

▲ 配備 S835 + 8GB RAM + 128GB ROM 的 OnePlus 5，安兔兔跑分結果為 171996 分，呢個分數我又唔覺得有特別高分，HTC U11 直澄可以跑到超過 18 萬的分數！而在安兔兔數據庫中，OnePlus 5 的成績還是比 iPhone 7 Plus 低分，不過在跑分的過程中，並不覺手機有出現發熱的情況，呢個成績你信唔信呢？

▲ PC Mark 工作 2.0 是用來測試手機上網、開啟文件、文檔傳輸等表現，成績為 6851 分，在 PC Mark 數據庫中，相比同樣配備 S835 處理器的小米 6、三星 S8 還要高分，但相比之前版主 Keith 測試的 HTC U11 成績低。

▲ 3D Mark Sling Shot Extreme 是用來測試玩 3D 遊戲的效能表現，得出 3419 的成績，與 S8 (S835 版) 得分不相伯仲。

首次加入雙鏡頭！相機實拍挑機 iPhone 7 Plus

OnePlus 5 是首次加入雙鏡頭設計的 OnePlus 旗艦機，一個鏡頭是廣角用途，有 1600 萬像素 F1.7 光圈，用上 OPPO R9S 上的 IMX398 感光元件; 而另一個鏡頭則作 Zoom 的用途，有 2000 萬像素 F2.6 光圈，並用上 IMX350 感光元件。OnePlus 5 相機介面都有少少地方同 iPhone 7 Plus 相似，包括佢嘅 2 倍變焦，一樣係由「1x」按一下變成「2x」，拍出黎效果又如何呢？立即比較一下吧！

第一組
正常拍攝 (左: OnePlus 5; 右: iPhone 7 Plus)