規格不算突出但加入 4G 雙卡功能
今次推出的 Lumia 640 同 Lumia 640 XL 定位係中檔價位的手機，外型沿用一貫 Lumia 手機風格不算特別，而係規格上大家當然都不能有太高期望了。整體來講 Microsoft 兩部新機較為突出的賣點相信就係加左入 4G 雙卡功能啦，呢項功能首雖然唔少 Android 手機都有，但以 Windows 手機來講就係首次見到， 同時 Lumia 640 同 Lumia 640 XL 亦會有 Smart Dual Sim 功能，幫助用家不會 miss call 。除左支援 4G 雙卡之外，係硬件規格方面 Lumia 640 擁有 5 吋高清 720p 屏幕，而處理器方面就用上左 Qualcomm S400 1.2GHz 配搭 1GB RAM 同埋 8GB 內置容量（支援插卡，最大 128GB）。相機方面， Lumia 640 就用上左 800 萬像素主相機而前鏡頭就只有 100 萬像素，電量方面 Lumia 640 有 2500mAh 。可能令大家有點失望的地方就係 Lumia 640 只係預載左 Windows 8.1 不過 Microsoft 就保證係今年之內 Lumia 640 定會享用到 Windows 10 的更新，大家入手時就不用擔心啦。
▲ Lumia 640 屏幕細啲，定價都低啲。
而 Lumia 640 XL 係規格上面同 Lumia 640 相近，主要係屏幕大左同用上高一級的相機。屏幕有 5.7 吋 720p 解像度而處理器方面一樣係 Qualcomm S400 1.2GHz 配搭 1GB RAM 同埋 8GB 內置容量（支援插卡，最大 128GB）。相機比 Lumia 高一級用上蔡司鏡頭的 1300 萬像素相機但前鏡頭就係 500 萬像素，電量方面有 3000mAh 。同樣地 Lumia 640 XL 都係預載 Windows 8.1 但會係 2015 年內有 Windows 10 的更新。
▲ Lumia 640 XL 相機質素高啲，屏幕又大啲，定價都高啲。
Lumia 640 XL 三月開賣；Lumia 640 四月先有
講完硬件就到最緊要的開賣日期同價錢啦！首先兩部機同樣係有藍、橙、黑、白四色。另外，兩部機都係有 4G 版本（有單卡以及雙卡兩種） 同埋 3G 雙卡版本（ Lumia 640 XL 會有 3G 單卡）。Lumia 640 XL 會率先係 3 月推出，4G 版的建議售價係 219 歐羅，約為 $1898 港元，而 3G 版的建議售價就係 189 歐羅，約為 $1638 港元。Lumia 640 就會係 4 月先推出， 4G 版的建議售價係 159 歐羅，約為 $1378 港元， 3G 版的建議售價則為 139 歐羅，約為 $1205 港元。
最後，大家都期待的高階旗艦機係今次的發佈會上面未見蹤影，可能要到 Windows 10 正式推出時先會有了，唔知大家又會否等呢部旗艦的到來呢？
Microsoft Lumia 640 預計 4 月全球發售，香港上市日期賣價尚未公佈，按此查看手機詳細資料。
Microsoft Lumia 640 XL 預計 3 月全球發售，香港上市日期賣價尚未公佈，按此查看手機詳細資料。
