低調好渣手
SUGAR 手機係咪成部都係寶石嗰款？呢個只係以往嘅感覺，SUGAR 近排推出咗不少中性為主嘅 Model，當然保留 SWAROVSKI Zirconia 寶石作點綴為設計一部份是有的，但以呢部 SUGAR F9 為例，擺放位置低調好多，配上圖中嘅黑色，啱晒男士使用。SUGAR F9 整體設計大路，一體式金屬設計及 2.5D 玻璃螢幕，感覺順眼，男士選配黑色版本，感覺唔突兀。SUGAR F9 係一部 5.5 吋 Full HD 大芒手機，但唔算好大部，有不錯嘅手感。
▲ SUGAR F9 設計大方得體。
▲ 招牌 SWAROVSKI Zirconia 寶石裝鑲係機背下半部份，也只有一粒咁多，感覺也不錯。
▲ 耳筒部份，亦裝鑲 SWAROVSKI Zirconia 寶石。
全網通手機
規格部份，SUGAR F9 雖然不是最高規格款式，但亦有不少過人之處，佢採用 Qualcomm 八核心處理器，呢粒處理器，令 SUGAR F9 成為一部全網通手機。全網通手機代表佢支援香港及中國大陸，全部網絡商嘅 CDMA / TDSCDMA / WCDA 3G 及 FD / TD 4G LTE 頻段，無論你係香港或者大陸使用，都可以得到最好嘅網絡覆蓋，好適合遊走中港兩地嘅用家。手機內置 64GB ROM，加上支援 microSD 容量擴充，在容量及記憶體方面的配置其實不比其他中高階中手機遜色。而 4GB RAM 亦令手機行得特別順暢。
▲ SUGAR F9 支援雙卡雙待，其中一個插槽可改為 microSD 記憶卡。彈性又方便
▲ F9 配備 Qualcomm 8 核心中階處理器，在不同跑分都有中階手機應有的表現。
攝像五千萬，夠細緻
SUGAR F9 本身有一個支援 F2.0 大光圈，並有 PDAF 相信對焦的千三萬像素鏡頭。但你可能唔知，SUGAR 引入了芬蘭的 Visidon 技術，透過合成，把相片變大至 5000 萬像素。不但係像素大了，效果出來都好細緻。真實效果係點，我哋預備了幾張實拍，睇睇效果。
▲ 雖然後置鏡頭只有千三萬像素，但透過獨家技術，令 F9 可拍出五千萬像素相片。
▲ 採用 mircoUSB 連掉埠。
▲ 呢張係五千萬像素相片。
▲ 放大後，中間三層小屋，都清楚見到。
以下是其他五千萬像素嘅效果
獨有秘技 方便操控
SUGAR F9 是一部 Android 6.0 手機，但有幾個其他 Android 手機都無嘅獨有功能。留意手機嘅左面，會發覺多咗一粒掣。呢粒叫 SUGAR 快捷鍵，預設係一按即啟動手機影片拍攝，但其實你也可以改為錄音，梳妝鏡，拍照，手電筒與微信掃一掃。仲有接聽電話，電話錄音等特別功能。
▲ SUGAR F9 快捷鍵位於機身左側，一按就可以立即拍攝、錄影又或者啟動鏡子功能 。
▲ 另外手機右則有音量及開關鍵。
與此同時，SUGAR F9 內置防偷窺功能，讓用家手動為指家程式加上密碼鎖，配合本身的指紋辨識解鎖，0.18 高速辨識，於待機（全黑屏幕）狀態下仍可解鎖，更可以額外為程式加入密碼鎖，是少有的保案手機。而當有人想打開偷睇手機資料，SUGAR F9 更會即時用前置鏡頭拍下相片及作時間紀錄，有圖有真相，要捉偷取個人資料者也容易得多。
▲ 前置指紋認證，比起放在機背更方便操作。
▲ 除了解鎖，指紋認證有限偷窺應用。
雙機上場
SUGAR F9 已於正式開賣，建議售價為 $2098，分別有香檳金、曜岩黑兩款顏色可選，對 F9 有興趣的網友，可以到中原電器、豐澤、衛訊及各大手機門店入手。另一款 SUGAR Y9 規格平凡一點，但同様係中港 3G / 4G 手機，賣價為 $1298，係 6 月 28 日都上市啦。
▲ Sugar Y9
資料由客戶提供