雙鏡 2 倍變焦功能，加上 5.5 吋 Full HD 大芒
今時今日 SUGAR 手機已經結合時尚更開始推出更多不同手機功能。就好似最新呢款 F11 已經擁有雙鏡 2 倍變焦功能，加上 5.5 吋 Full HD 大芒，望落都好大方得體。今次借到的香檳金，作為男性筆者都想俾個 Like。
▲ SUGAR F11 設計大路。
▲ 香檳金都好順眼。
▲ F11 都保留了一粒 SWAROVSKI ZIRCONIA 寶石，但只有一粒，低調地在機底。
▲ 機背有指紋認證，做到極速 0.18 秒指紋解鎖 。
雙鏡頭，長焦距支援 2x 光學焦變
SUGAR F11 最大特別是配備了雙鏡設計！後面的標準鏡頭，支援 1300 萬像素拍攝，支援 F2.0 大光圈及 PDAF 相位對焦；而令一個鏡頭，則是 F2.2 光圈的 800萬像素長焦距鏡頭，令 F11 可以做 2 倍光學變焦，清晰 Zoom 近效果。F11 雙鏡頭合拍為一，為相片帶來 2 倍光學變焦及 9 倍數碼變焦，令大家更容易遠距離紀錄事物。
▲ F11 包括兩組後置鏡頭，包括一組 1300 萬像素拍攝，支援 F2.0 大光圈及 PDAF 相位對焦標準鏡頭；而令一個鏡頭，則是 F2.2 光圈的 800萬像素長焦距鏡頭，
與此同時，SUGAR F11 亦有幾個好好玩嘅攝影功能，以一部二千五有找嘅手機來講，相當唔錯！
001： 透過芬蘭 Visidon 影像技術，可以係標準或長焦距鏡頭下，拍攝由4張相片合成的相片，最高可達 5000 萬超像素，把相片放大 22 倍都可以好清楚。
002 ： 支援 Timelapse 縮時攝影，高達300倍加速並支援 1080p 解像度，影日落日出都 OK
003： SUGAR F11 前後鏡頭均設有自動識別臉孔及背景虛化功能，令人像拍攝更突出。
004： SUGAR F11 前後鏡頭支援多人美顏錄影
▲ 支援 F2.0 大光圈，容易拍出具景深靚相。
▲ F11 的千三萬像素相機，生產出來嘅相片，顏色相當豐富。
▲ 手機有專業模式，也有縮時拍攝玩意。
▲ 這張就是用 5000 萬超像素拍攝，在打八號風前一天，黃昏六點的天空，放大來睇，可見當中的細緻度。
▲ 另一個長焦距相機有乜用？以睇花為例，你可以直接用長焦距鏡頭，作為 2X 光學變焦，把花影得更清楚。
▲ 影風景，有長焦距鏡頭，要 Zoom in (靠右) 容易之餘，亦更有質素。
▲ 左面是用了「超像素拍攝」的照片，達五千萬像素，因為像素夠大，連遠方 Close up 的路牌廣告字款，亦可透過放大照片睇得清清楚楚。
▲ 用 F11 影食物，效果十分理想。
▲ 透過自動識別臉孔及背景虛化功能，可拍出不錯嘅人像照片。
▲ SUGAR F11 仲可以拍到縮時短片，呢個效果你都可以拍到架。
防偷窺手機 • 杜絕資料外洩
SUGAR一向注重手機保安的重要性，F11內置智能防偷窺功能，包括Apps Lock、文件鎖及指紋認證，全方位保障用家的資料安全。只要有人試圖登入而錯誤輸入密碼，手機會無聲無色地將對方容貌拍下，用家可以清楚知道偷窺者相貌及偷看時間日期等資料。另外，F11支援極速0.18秒指紋解鎖，快速又安全，讓用家在工作或是生活中都能有獨立的隱私空間。
▲ 想偷按密碼？其實 F11 已拍下偷看者的樣貌，偷看時間及日期了。
▲ 與此同時，只需用三隻手指向下掃，就可以截取多頁內容。平時想同朋友開心share 長 post，就唔洗分幾次截圖，以後三隻手指向下掃就已經 Screen Cap 到底。圖中見到，左面是其他手機的 Screen Cap，右面是 Sugar F11 的 Screen Cap，可以一次過成頁咁 Cap 圖，真係又爽又方便喎。
基本規格方面，SUGAR F11 採用 Qualcomm 出品嘅八核心處理器，內置 4GB RAM、64GB ROM 及支援 micro SD (最高支援 128 GB)。系統方面，運行基於 Android 6.0.1 開發的 SUGAR OS 3.1 系統，配備 3000mAh 電池。筆者小試幾日，運作順暢，日常使用沒大問題。 F11 設有全網通，中港4G完全無問題，方便經常中港來往既人。另外，SUGAR更設有中港澳聯保，就算去到內地、澳門都一樣享有售後保障。
SUGAR F11 建議零售價如下：
| 型號 | 顏色 | 發售日期 | 建議零售價 |
| SUGAR F11 | 香檳金、鈦空灰、冰川藍 (火焰橙 發售日期待定) | 9月1日 | HK2,498元 |
資料由客戶提供