旅行手機的規格未必係重點，但都要循例介紹一下。Sugar S20 配備 6.18 吋 M 字額螢幕，解像度 2,246 x 1,080，搭配 Snapdragon 450 處理器、3/4GB RAM 和 32/64/128GB 儲存。手機有 Hybrid 雙 SIM 卡 microSD 插槽，並且有機背指紋辨識、12MP + 5MP 雙鏡頭相機、16MP 前置自拍鏡頭和 3,500mAh 電池，預載 Android 8.1 系統，並且有灰、粉紅和紫色機身選擇。
▲ 6.18 吋 M 字額螢幕加雙鏡頭相機 ，外形設計和功能都係現時的主流。
在早前的 Sugar S20 發佈會上，廠方的主打賣點是全球首部翻譯手機，對應 104 種語言，包括了維吾爾語、蒙古語等少數民族語言，支持離線翻譯、拍照翻譯等應用。官方表示部份語言的翻譯準確率高達 97%，而且機側有專用快速翻譯按鍵。除了系統翻譯，Suagr 還提供 24 小時專人翻譯的收費服務，不過由即日起至 9 月提供免費體驗。
▲ 能夠翻譯過百種語言，去旅行想識朋友更方便，有埋拍照翻譯就唔怕睇唔明餐廳 Menu。
手機有離線翻譯功能其實不難，維吾爾和蒙古語翻譯亦並非人人有用，點解 Sugar S20 咁實用？版主虎仔收到風，因為佢同之前版主 Keith 介紹過 Alcatel 3V / A3 XL，同樣擁有「寰宇通」功能，簡單來說就係支援 Virtual SIM，毋須插 SIM 都可以變身漫遊手機，毋須買卡插卡或個個月支付月費，出發前買個服務計劃就可以起行，最重要係 Sugar S20 稍後香港會上市，大陸會在 7 月 15 日上市，定價 1,999 人民幣起（折合 HK$2,363），香港的定價則要等港版上市時就知道。
▲ 專用快捷鍵可以設定為翻譯按鈕，估唔到一向以靚行先嘅 Sugar，翻譯手機都有一粒水晶閃石作裝飾。
資料來源：pconline